منڈی بہاؤالدین،باغی ٹی وی (نامہ نگارافنان طالب) ڈی پی او وسیم ریاض خان کی تھانہ گوجرہ میں کھلی کچہری، شہریوں کے مسائل پر فوری کارروائی
تفصیل کے مطابق ڈسٹرکٹ پولیس آفیسر منڈی بہاؤالدین وسیم ریاض خان نے تھانہ گوجرہ میں کھلی کچہری کا انعقاد کیا، جس میں شہریوں نے اپنے مسائل براہ راست پیش کیے۔ ڈی پی او نے تمام شکایات کا بغور جائزہ لیا اور فوری حل کے لیے متعلقہ افسران کو ہدایات جاری کیں۔
ڈی پی او وسیم ریاض خان نے اس موقع پر کہا کہ "شہریوں کی خدمت اور ان کے مسائل کا حل ضلعی پولیس کی اولین ترجیح ہے۔ عوام کے تحفظ اور خدمت کے لیے پولیس فورس ہر ممکن اقدامات اٹھائے گی۔”
انہوں نے مزید کہا کہ شہریوں کے مسائل کے فوری حل کے لیے کھلی کچہری کے سیشنز کا انعقاد جاری رکھا جائے گا تاکہ عوام کو فوری انصاف فراہم کیا جا سکے۔
