ایم سی سٹین کی جیت، بگ باس کے فیصلے کو غلط قرار دیدیا گیا

بگ باس 16 کا گزشتہ رات فائنل ہوا اور فائنل میں جیسا کہ ایم سی سٹین فاتح قرار پائے ہیں، بگ باس کے اس فیصلے کو سوشل میڈیا پر پریانکا چوہدری کے مداحوں نے ماننے سے انکار کر دیا ہے ان کا کہنا ہےکہ یہ فیصلہ تعصب پر مبنی ہے. بگ باس 16 کی ونر پریانکا چوہدری تھیں‌ لیکن فیصلے کو بدلہ گیا ہے. پریانکا چوہدری کے پرستاروں نے لگے ہاتھوں ساجد خان اور سلمان خان کی بھی کلاس کر ڈالی اور کہا کہ سلمان خان نے بگ باس میں ساجد خان کو سپورٹ کیا اور ساجد خان کی سپورٹ پریانکا چوہری کے ساتھ ہرگز نہیں تھی جس کی وجہ سے پریانکا کی جیت کو ہار

میں تبدیل کیا گیاہے. اس بار کے بگ باس کے سیزن میں جو کچھ بھی ہوا اس کی وجہ سے بگ باس کو متعصب بھی کہا گیا.یوں بگ باس 16 کے فائنل کے بعد سوشل میڈیا پر اس فیصلے کو نہ صرف غلط کہا جا رہا ہے بلکہ تعصب سے بھرا فیصلہ کہا جا رہا ہے. سوشل میڈیا صارفین کا کہنا ہے کہ فرح خان نے ایک ویک اینڈ کا وار ہوسٹ کیا اور اس میں صرف اپنے بھائی ساجد کی وجہ سے پریانکا چوہدری کو تنقید کا نشانہ بنایا.