میڈیا ورکرز وائرس پروف نہیں ہیں, ان کی جان بھی قیمتی ہے،پریس کانفرنسز،پیغام ،اعلان ویڈیوکےذریعے پہنچائیں

لاہور:میڈیا ورکرز وائرس پروف نہیں ہیں, ان کی جان بھی قیمتی ہے،پریس کانفرنسز،پیغام ،اعلان ویڈیوکےذریعے پہنچائیں ،باغی ٹی وی کے مطابق جہاں اس وقت ملک بھر میں کرونا وائرس کی وجہ سے ایک لاک ڈاون کی کیفیت ہے اورہرجان اپنے آپ کوبچانے کی فکرمیں لگی ہوئی ہے ،وہاں ان اپنے بھائیوں ،دوستوں کو بھی خیال رکھنا چاہیےجولمحہ بہ لمحہ باخبررکھ رہےہیں ،

باغی ٹی وی کےمطابق اس حوالے سے ہمیں باخبررکھنے والوں نے اپنے بارے میں بھی خبردی ہے، ان کا کہنا ہےکہ آپ سب مسلسل فیلڈ میں ہیں اور کرونا پر اپڈیٹس دے رہے ہیں. یہ ہمارا فرض ہے اور ہم اسے ادا کرتے رہیں گے. لیکن حکومتی,سیاسی,مذہبی اشرافیہ کرونا کیمپین کے نام پر مسلسل پریس کانفرنسز کر رہے ہیں جو قطعی غیر ضروری ہیں. ان لوگوں کو ہر حالت میں محض اپنی کوریج کی فکر رہتی ہے. یہ میڈیا ورکرز کا اکٹھ کر کے یہ لیکچر دے رہے ہیں کہ کم سے کم لوگوں سے ملیں, سماجی فاصلہ اختیار کریں, رش اور ہجوم سے گریز کریں. لیکن خود میڈیا کا ہجوم بار بار اکٹھا کر رہے ہیں.

میڈیا ورکرز وائرس پروف نہیں ہیں, ان کی جان بھی قیمتی ہے. ایسی پریس کانفرنسز میں بار بار یہ سوال اٹھائیں کہ یہ لوگ اپنا پیغام یا لیکچر ویڈیو کی صورت شیئر کریں, اپنی مشہوری کے لئے میڈیا ورکرز کو خطرے میں نہ ڈالیں. یہ وقت کارکردگی دکھانے کا ہے, ٹی وی اپنی چہرے دکھانے کا نہیں.