اداکارہ میرا لاہور کے جناح ہسپتال میں پہنچ گئیں، رپورٹس کے مطابق میرا کی والدہ شفقت زہرہ بخاری ان دنوں زیر علاج ہیں. میرا ان کی عیادت کے لئے جب ہستپال گئیں تو انہوں نے وہاں موجود دیگر مریضوں کی بھی عیادت کی . میرا نے مریضوں کی خیریت بھی دریافت کی جبکہ اس بارے میں اںکا کہنا ہے کہ جناح ہسپتال میں علاج معالجے کی بہترین سہولیات فراہم کی جارہی ہیں۔میرا نے اس موقع پر کہا کہ مجھے دیکھ کر بہت خوشی ہوئی ہے کہ جناح ہسپتال میں مریضوں کا بہترین علاج کیا جا رہا ہے.
اور یہاں ان کو ہر قسم کی سہولت دی جارہی ہے. انہوں نے کہا کہ میری والدہ کی صحت کے کچھ مسائل ہیں جس کی وجہ سے انہیں یہاں داخل کروایا گیا ہے ”جس طرح سے ڈاکٹر ٹریٹمنٹکررہےہیں مجھے یقین ہے کہ وہ بہت جلد ٹھیک ہو کر گھر آجائیں گی”. یاد رہےکہ فلمسٹار میرا کی والدہ ایک ایجوکیشنسٹ تھیں اور انہوں نے اپنی بیٹی کا کیرئیر بنانے کے لئے بہت زیادہ محنت کی. آج اگر میرا اس مقام پر ہیں کہ لوگ انہیںپہچانتے ہیں تو اس میںان کی والدہ کی اس جدوجہد کا بہت بڑا ہاتھ ہے جو انہوں نے ان کے کیرئیر کو بنانے کے لئے شروع کی .
