میرا کی بگ باس کے سیزن 4 کی کھلاڑی ڈولی بندرا سے ملاقات کی تصاویر وائرل

پاکستان فلم انڈسٹری کی معروف اداکارہ میرا کی بھارت کے معروف رئیلیٹی شو بگ باس کے سیزن 4 کی کنٹسٹنٹ اور اداکارہ ڈولی بندرا کے ساتھ ملاقات کی تصویر سوشل میڈیا پر وائرل ہوگئی۔

باغی ٹی وی :اداکارہ میرا نے اپنے تصدیق شدہ انسٹاگرام اکاؤنٹ پر بگ باس کے سیزن 4 کی کنٹسٹنٹ ڈولی بندرا کے ہمراہ اپنی متعدد تصویریں شیئر کیں-

میرا کی جانب سے شئیر کردہ مذکورہ تصویروں میں اداکارہ میرا اور ڈولی بندرا دبئی کے کسی ریستوران میں موجود ہیں۔

میرا نے تصویریں شیئر کرتے ہوئے بتایا کہ اُنہیں ڈولی بندرا سے ملاقات کرکے بہت مزہ آیا۔

واضح رہے کہ ڈولی بندرا سال 2010 میں بگ باس کے سیزن 4 میں بطورِ کنٹسٹنٹ شامل ہوئی تھیں بگ باس میں آنے کے بعد سے بھارتی اداکارہ ڈولی بندرا کی مقبولیت میں مزید اضافہ ہوا جب کہ یہ متعدد بالی وڈ فلموں میں اداکاری کے جوہر دکھا چکی ہیں۔