اداکار و گلوکار علی ظفر اور میشا شفیع کا ہراسمنٹ کا کیس عدالت میں چل رہا ہے. میشا شفیع علی ظفر کے معاملے میں بہت چالاکی سے کام لے رہی ہیں جہاں ان کو لگتا ہے کہ وہ لُوز بال کھیل رہی ہیں وہاں وہ عدالت میں آنے کی بجائے حیلوں بہانوں سے کام لیتی ہیں .علی اور میشا کے کیس میں نئی پیش رفت یہ ہے کہ علی ظفر کے ہرجانے کے دعوے پر ایڈیشنل سیشن جج کے روبرو سماعت ہوئی جس میں میشا شفیع نے حاضری دینی تھی لیکن وہ عدالت حاضر نہ ہوئیں اور جوڑوں کے درد کا بہانہ بنا کر حاضری سے جان چھڑواتے ہوئے سماعت ہی ملتوی کرنےکی استدعا کی . علی ظفر بھی لگتا ہے کہ برے کو گھر تک چھوڑ کر آنے والوں میں سے ہیں انہوں نے بھی میشا کے اس وار کو خالی نہ جانے دیا اور میشا شفیع کا
پاسپورٹ عدالتی تحویل میں لینے اور حاضری کے لیے مچلکے جمع کروانے کے لیے درخواست دائر کردی۔انہوں نے درخواست میں یہ کہا ہے کہ میشا شفیع جان بوجھ کر یہ سب کررہی ہیں اور وہ عدالتی کاروائی سے بچنے کےلئے مختلف حیلے بہانے کررہی ہیں ، جرح مکمل کروانے کی بجائے وہ طبیعت کی ناسازی کا بہانہ کررہی ہیں . یاد رہےکہ میشا شفیع ان دنوں پاکستان میں موجود ہیں اور انہوں نے اپنے بھائی کی فلم دالیجنڈ آف مولاجٹ کے پریمئیر میں بھی شرکت کی تب وہ کافی ہشاش بشان نظر آرہیں تھیں اور دن تین دن کے بعد ہی ان کے جوڑوں میں درد بھی نکل آیا ہے. جبکہ علی ظفر اس کیس میںعدالتی کاروائی کے تمام تقاضے پورے کررہے ہیں.
