نوجوان نے نوکری چھوڑکرندی نالوں اورجھیلوں کی صفائی شروع کردی

چینائی :بھارتی نوجوان نے اچھی خاصی نوکری چھوڑکرندیوں اور جھیلوں کی صفائی کرنا شروع کردی ، اطلاعات کے مطابق یہ نوجوان بھارت کی 14 ریاستوں کے 93 ندیوں اور جھیلوں‌ سے گندگی دورکرکے انہیں صاف کرکے تازہ بنا چکا ہے

ذرائع کے مطابق ارون کرشنا مرتھی ایک بین الاقوامی ادارے گوگل میں ایک بہترین نوکری کررہا تھا . لیکن جب اس نوجوان نے بھارت میں ندیوں اور جھیلوں کی گندگی کے واقعات عالمی فورموں پر سنے تو اس نے یہ فیصلہ کرلیا کہ وہ اب اپنے ملک کی گندی اور آلودہ جھیلوں کو صاف کرکے ان کے پانی کو شفاف کرکے دم لے گا

بین الاقوامی ذرائع ابلاغ کے مطابق 32 سالہ ارون کرشنا مرتھی کا کہنا ہےکہ اسے اپنی ملازمت کے کھوجانے کا کوئی غم نہیں‌بلکہ اس نے خود استعفیٰ‌دیا ہے تاکہ میں‌ اپنے ملک کے باسیوں کےلیے ماحول کو صاف ستھرا بنا سکوں ، دوسری طرف چینائی کے اس علاقے کے لوگ اس نوجوان کے اس عمل سے بہت متاثرہیں اور وہ بھی اب اس کے ساتھ مل کر ندیوں اور جھیلوں کی صفائی کررہے ہیں