میہڑ: دیرینہ تنازع پر مسلح افراد کی فائرنگ، ایک شخص جاں بحق

میہڑ،باغی ٹی وی(نامہ نگار منظورعلی جوئیہ)دیرینہ تنازع پر مسلح افراد کی فائرنگ، ایک شخص جاں بحق

میہڑ کے علاقے آباد میں دیرینہ تنازعے کے باعث خونریز واقعہ پیش آیا۔ کھوسہ اور مگسی برادری کے تنازعے کے نتیجے میں اے سیکشن تھانے کی حدود میں سرکاری اسپتال کے گیٹ پر کھوسہ برادری کے مسلح افراد نے فائرنگ کر دی۔ اس واقعے میں مگسی برادری کے عالم منگسی موقع پر جاں بحق ہو گئے، جبکہ ملزمان فائرنگ کرتے ہوئے فرار ہو گئے۔

15 پولیس انچارج فقیر محمد برہمٰانی موقع پر پہنچے اور لاش کو پوسٹ مارٹم کے لیے تحصیل اسپتال میہڑ منتقل کر دیا۔ پولیس نے واقعے کی تحقیقات شروع کر دی ہیں اور مزید شواہد اکٹھے کیے جا رہے ہیں۔ اس خونریز واقعے نے علاقے میں خوف و ہراس پیدا کر دیا ہے۔