پاکستان شوبز انڈسٹری کی معروف اور تمغہ امتیاز اداکارہ مہوش حیات نے ماضی کی معروف اداکاہ نیلو بیگم کو اپنی آئیڈیل قرار دیا ہے۔
باغی ٹی وی : سماجی رابطے کی ویب سائٹ ٹوئٹرپر اپنے پیغام میں مہوش حیات نے ماضی کی فلم انڈسٹری کی معروف اداکارہ نیلو کی وفات پر دکھ اور افسوس کا اظہار کیا۔
مہوش حیات نے ٹوئٹر پیغام کے ذریعے اداکارہ نیلو کے بیٹے اور اداکار شان شاہد سے ان کی والدہ کی وفات پر تعزیت کی اور ان کی والدہ کو اپنا آئیڈیل قرار دیا۔
Most saddened to hear of the passing of Madam Neelo ji. It is pioneers like her in whose footsteps we walk. May Allah grant her the highest place in Jannat and give her family Sabr to overcome this loss. My condolences @mshaanshahid
— Mehwish Hayat TI (@MehwishHayat) January 31, 2021
اداکارہ مہوش حیات نے ٹوئٹر پیغام میں لکھا کہ میڈم نیلو جی کی وفات کا سن کر دلی صدمہ پہنچا ہم آج بھی ان کے نقشِ قدم پر چلتے ہیں۔
مہوش حیات نے تحریر کیا کہ اللہ تعالیٰ انہیں جنت میں اعلیٰ مقام عطا فرمائیں اور لواحقین کو اتنا بڑا صدمہ برداشت کرنے کی ہمت دیں۔ آمین
انہوں نے اداکار شان کو مخاطب کرتے ہوئے کہا کہ میری جانب سے تعزیت قبول کیجئے۔
خیال رہے کہ دو روز قبل ماضی کی معروف اداکارہ نیلو بیگم 80 سال کی عمر میں طویل علالت کے بعد لاہورمیں انتقال کر گئی تھیں۔
اداکار شان شاہد کی والدہ و ماضی کی مشہور اداکارہ نیلو بیگم کو لاہور میں سپردِ خاک کیا گیا تھا۔ نیلو بیگم کی نمازِ جنازہ میں شوبز انڈسٹری سے وابستہ مشہور شخصیات سمیت اہل علاقہ شریک ہوئے۔
فنکاروں نے نیلو بیگم کو خراج عقیدت پیش کیا اور ان کے بلند درجات کی دعا کی وزیر اعلیٰ عمران خان، وزیراعلیٰ پنجاب عثمان بزدار، معاون خصوصی اطلاعات پنجاب ڈاکٹر فردوس عاشق اعوان اور صوبائی وزیر کلچر خیال احمد کاسترو نے اداکارہ نیلوبیگم کے انتقال پر افسوس کا اظہار کیا۔
وزیراعلیٰ پنجاب عثمان بزدار کا ماضی کی معروف اداکارہ نیلو بیگم کے انتقال پر افسوس…
اداکار شان کے گھر صفِ ماتم بچھ گئی:شان کی والدہ محترمہ اداکارہ نیلوبیگم وفات…
شان شاہد کی والدہ کی وفات پر وزیراعظم عمران خان کا اظہار افسوس
شان شاہد کا مرحومہ والدہ کے لئے جذباتی پیغام
شان شاہد کی والدہ نیلو بیگم سپرد خاک
