گزشتہ روز ملتان روڈ پر واقع اسٹوڈیو میں تماثیل تھیٹر میں گیارہ اگست سے شروع ہونے والے نئے سٹیج ڈرامہ "میرا نام جوکر” کے گانوں کی ریکارڈنگ کی گئی۔ گانے کی موسیقی معروف میوزک ڈائریکٹر عابد علی نمبو اور شہباز علی نمبو نے ترتیب دی ہے۔ جبکہ اداکار شکیل چن نے اپنی آواز کا جادو جگایا ہے۔ اس موقعہ پر خصوصی گفتگو کرتے ہوئے ڈرامہ کے پروڈیوسر و رائٹر ڈائریکٹر قیصر ثناء اللہ خان کا کہنا تھا کہ ڈرامہ بین ایک ٹکٹ میں ڈرامہ، فلم اور تھیٹر کا مزا لیں گے۔ انکا کہنا تھا کہ پاکستان کی پجھتر سالہ تاریخ میں پہلی بار فلم سے ہٹ کر اسٹیج ڈرامے کے لئے بھی گانے ریکارڈ ہوئے ہیں۔
”گانوں کو ڈرامہ کی کہانی کہ مناسبت سے بنایا گیا ہے تاکہ ڈرامہ بینوں کو حقیقت کا گمان ہو”۔ قیصر ثناء اللہ نے مزید کہا کہ ہماری کوشش ہوتی ہے کہ ہم شائقین کو معیاری تفریح فراہم کریں. اور مجھے خوشی ہےکہ تماثیل تھیٹر اس میں کافی آگے ہے اور فیملیز کے لئے تھیٹر ڈرامہ بناتا یہی وجہ ہے کہ فیلمیز بھی تماثیل تھیٹر میں آنا پسند کرتی ہیں. یاد رہے کہ میوزک ریکارڈنگ کے موقعہ پر اداکار بلال چوہدری، میوزک ڈائریکٹر عابد علی نیمبو ،شہباز علی نمبو، وحید جٹ ،ٹھاکر لاہوری اور محمد قربان بھی موجود تھے۔
گلوکارہ شاہدہ منی کے گھر مجلس عزاء کا اہتمام
زارا عابد کے گھر والوں کی ابھی تک حکومت نے مالی مدد نہیں کی سنیتا …
لانگ پلے”شاد باد منزل مراد” کی ریکارڈنگ لاہور میں جاری
Leave a reply
