میرے لیے پڑوسی ملک بھارت سے رشتہ آیا ہے عمران عباس

پاکستان شوبز انڈسٹری کے عالمی شہرت یافتہ، معروف اور پُرکشش اداکار عمران عباس کو نہ صرف پاکستان میں شہرت حاصل ہے بلکہ ان کی پرکشش شخصیت کے پڑوسی ملک بھارت میں بھی چرچے ہیں۔

باغی ٹی وی : حال ہی میں بھارت کی مقبول یوٹیوبرز (جو’ دی باجیز ‘ کے نام یوٹیوب چینل چلارہی ہیں ) کی جانب سے یوٹیوب چینل پر ایک ویڈیو اپ لوڈ کی گئی ہے۔

ویڈیو میں دونوں یوٹیوبرز ماؤں کا روپ دھارے ہوئے ہیں اور انہیں عمران عباس کی پرکشش شخصیت کے گُن گاتے دیکھا جاسکتا ہے ۔

مذکورہ ویڈیو کو اداکار عمران عباس نے بھی اپنے تصدیق شُدہ انسٹاگرام اکاؤنٹ پر شیئر کیا ہے اور انہوں نے ویڈیو کے ساتھ کیپشن درج کرتے ہوئے لکھا کہ انہیں انڈیا کے شہر رامپور سے رشتہ بھیجا گیا ہے ۔

ویڈیو میں موجود دونوں خواتین کو اپنی اپنی بیٹیوں کے رشتے کے لیے عمران عباس کو داماد بنانے کے لیے جھگڑتے دیکھی جاسکتی ہیں ۔

عمران عباس کی جانب سے شئیر کی گئی اس ویڈیو کو صارفین کی جانب سے خوب پسند کیا جا رہا ہے اور خواتین کے جھگڑے سے خوب لطف اندوز ہو رہے ہیں-