مکی آرتھر ہیڈ کوچ کے لیے مظبوط امیدوار، اندر کی خبر سامنے آگئی

لاہور: پاکستان کرکٹ ٹیم کے کوچ مکی آرتھر سے انگلینڈ کرکٹ بورڈ کا کوچنگ کیلئے رابطہ ہوا ہے.

تفصیلات کے مطابق مکی آرتھر ورلڈ چیمپئن انگلینڈ ٹیم کے ہیڈ کوچ بننے کی دوڑ میں شامل ہوگئے. ذرائع کا اس حوالے سے کہنا ہے کہ جب مکی آرتھر سے انگلینڈ کرکٹ ٹیم کی کوچنگ کیلئے رابطہ کیا گیا تو انہوں نے دلچسپی کا اظہار کیا. انگلینڈ کرکٹ ٹیم کی کوچنگ کیلئے پاکستان کرکٹ ٹیم کے ہیڈ کوچ مکی آرتھر، ویسٹ انڈیز کے اوٹس گبسن اورجنوبی افریقا کے گیری کرسٹن مضبوط امیدوارہیں۔ ابھی حتمی فیصلہ ہونا باقی ہے کہ انگلش کرکٹ ٹیم کا نیا کون کوچ ہوگا،تاہم مکی آرتھر کو بھی اس حوالے سے مظبوط امیدوار کہا جا رہا ہے. دوسری جانب مکی آرتھر کا پاکستان کرکٹ بورڈ سے معاہدہ 15 اگست کو ختم ہونے جارہا ہے جس کے بعد وہ پاکستان کرکٹ ٹیم کے کوچ نہیں رہیں گے، اس حوالے سے مکی آرتھر پر امید ہیں کہ پاکستان کرکٹ بورڈ ان کے کوچنگ معاہدے میں توسیع کعے گا، انہوں نے اپنی خواہش پی سی بی کو بتا دی ہے.

واضح رہے کہ پاکستان کرکٹ ٹیم نے مکی آرتھر کی کوچنگ میں چیمپئنز ٹرافی میں کامیابی حاصل کی تھی.