ملک میں مہنگائی کا ایک نیا سونامی آنے والا ہے بلاول بھٹو

پاکستان پیپلز پارٹی کے چئیرمین بلاول بھٹو کا کہنا ہے کہ سلیکٹڈ بجٹ کے ہرصفحے پرعوام کے معاشی قتل عام کی ترکیبیں لکھی ہیں-

باغی ٹی وی : بلاول بھٹو نے کہا کہ آئی ایم ایف نے بجٹ تیار کرکے عمران خان کو دیا اورجوں کا توں پیش کردیا گیا سلیکٹڈ بجٹ کے ہر صفحے پر عوام کے معاشی قتل عام کی ترکیبیں لکھی ہیں-

چیئرمین پیپلزپارٹی ا کہنا ہے کہ پی ٹی آئی نے استعمال کی ہر شے پر اربوں روپے کا بالواسطہ ٹیکس لگادیا اربوں روپے کے بالواسطہ ٹیکس لگانے کی چوری پکڑی گئی –

چیئرمین پیپلزپارٹی بلاول بھٹو نے کہا کہ عام آدمی کے استعمال کی ہر شے پر اربوں روپے کا بالواسطہ ٹیکس لگادیا جس کے بعد ملک میں مہنگائی کا ایک نیا سونامی آنے والا ہے-

جب کمپنیاں خام تیل اور ایل این جی پر 17 فیصد سیلز ٹیکس دیں گی تو پیٹرول اور گیس کی قیمتیں بڑھیں گی اور اس بالواسطہ ٹیکس کا بوجھ عوام بھگتیں گے-

چیئرمین بلاول بھٹو نے دعویٰ کیا کہ پیٹرول پر 20 روپے فی لیٹر اور چینی پر سات روپے فی کلو کا اضافہ بالواسطہ ٹیکس کی وجہ سے ہونے والا ہے جسے ہم ناکام بنائیں گے-

بلاول بھٹو نے کہا کہ کرونا وائرس سے بچنے کیلئے عوام نے آن لائن خریداری شروع کی تو عمران خان نے اس پر بھی سیلزٹیکس لگادیا، عام آدمی آخر جائے تو کہاں جائے-

انہوں نے کہا کہ یہ المیہ نہیں تو کیا ہے کہ وطن سے دور پاکستانی روزگار سے محروم پاکستانیوں کو ملکی برآمد سے زیادہ ترسیلاتِ زر بھیج رہے ہیں-