ملت ایکسپریس کا روٹ بحال،نوٹیفیکشن جاری ،مرکزی کردار چوہدری خالد جاوید نے ادا کیا

جہانیاں(نمائندہ باغی ٹی وی)محکمہ ریلوے کی طرف سے جہانیاں ریلوے اسٹیشن پر ملت ایکسپریس کا روٹ ختم کردیا گیا تھا جس کے پیش نظر عوام کو شدید مشکلات کا سامنا کرنا پڑا، جہانیاں کی عوام کے دیرینہ مطالبہ کے پیشِ نظر صوبائی ٹکٹ ہولڈر تحریک انصاف حلقہ پی پی 210 جہانیاں چوہدری خالد جاوید آرائیں نے وفاقی وزیر ریلوے شیخ رشید احمد سے ملاقات کرتے ہوئے ملت ایکسپریس جہانیاں کا روٹ بحال کرنے کی درخواست کی تھی جس پر وفاقی وزیر ریلوے شیخ رشید احمد نے ملت ایکسپریس جہانیاں کا روٹ بحال کرنے کے احکامات جاری کیے، جس پر وزارت ریلوے حکومت پاکستان کی جانب سے ملت ایکسپریس جہانیاں کا روٹ بحال کرنے کا باقاعدہ نوٹیفکیشن جاری کردیا گیا ہے، روٹ بحالی پر چوہدری خالد جاوید آرائیں نے وفاقی وزیر ریلوے شیخ رشید احمد کا شکریہ ادا کیا ، ملت ایکسپریس جہانیاں کا روٹ بحال ہونے پر جہانیاں کی عوام میں خوشی کی لہر دوڑ گئی ہے، سیاسی وسماجی عوامی حلقوں نے روٹ بحالی پر وفاقی وزیر ریلوے شیخ رشید احمد، رہنما تحریک انصاف جہانیاں چوہدری خالد جاوید آرائیں کا شکریہ ادا کیا ہے،
چوہدری خالد جاوید آرائیں نے کہاکہ بے لوث عوامی خدمت،عوامی مسائل کا سہولیات کی فراہمی ہمارا سیاسی مشن ہے جس کی تکمیل کے لئے اپنی کوشش جاری رکھیں گے۔