لاہور مینار پاکستان واقعہ کی متاثرہ لڑکی نے پولیس کو بیان قلمبند کروا دیا

لاہورمینار پاکستان واقعہ، متاثرہ خاتون نے پولیس ٹیم کو بیان قلمبند کروا دیا-

باغی ٹی وی : تفصیلات کے مطابق گریٹر اقبال پارک لاہور میں متاثرہ خاتون نے دست درازی کے واقعے پر آئی جی پنجاب کی جانب سے بنائی گئی پولیس ٹیم سے ملاقات کی جس میں متاثرہ خاتون نے پولیس ٹیم کو اپنے ساتھ ہونے والے واقعے کی تفصیلات سے آگاہ کر دیا ہے۔

ذرائع کے مطابق اسپیشل ٹیم نے گرفتار ملزمان سے بھی پوچھ گچھ کی جس کی رپوٹ پیر کے روز آئی جی پنجاب انعام غنی کو پیش کی جائے گی-

واہ جی واہ : ٹک ٹاکر عائشہ اکرم توبڑی شئے نکلی ؟ حقیقت کھل کرسامنے آگئی

خیال رہے کہ 14 اگست کے روز 400 افراد پر مشتمل ایک ہجوم نے اس وقت خاتون پر حملہ کردیا تھا جب وہ ٹک ٹاک ویڈیوز بنا رہیں تھیں یہ ویڈیوز سامنے آنے کے بعد لاہور پولیس نے متاثرہ لڑکی کی درخواست پر نامعلوم افراد کے خلاف ۔مقدمہ درج کر کے اپنی تحقیقات کا آغاز کر دیا تھا۔

پولیس نے جن افراد کو حراست میں لیا ہے ان کی عمریں 18 سے 30 سال کے درمیان ہیں حراست میں لیے جانے والے افراد کے موبائل فون نمبرز کی 14 اگست کو لوکیشن ٹریس کی جائے گی۔

ٹک ٹاکرعائشہ سے دکھ بھری کہانی سننے کے لیے یاسرشامی اورریمبوکی کس سے ملاقات…

واضح رہے کہ لاہور کے گریٹر اقبال پارک میں یومِ آزادی کے موقع پر خاتون ٹک ٹاکر سے دست درازی کا خوفناک واقعہ 3 روز بعد سوشل میڈیا کے ذریعے سامنے آیا۔

اوباش نوجوانوں نے ٹک ٹاکر عائشہ اکرم اور اس کے ساتھیوں کو تشدد کا نشانہ بنایا اور کپڑے پھاڑ دیئے جبکہ پولیس واقعہ سے بے خبر رہی۔سوشل میڈیا پرسامنے آنے والی تصاویرسے پتہ چلتا ہے کہ اس دوران ایک نوجوان نے مشکل سے خاتون سے ہجوم سے نکالا تھا خاتون کی درخواست پر 400 نامعلوم ملزمان کے خلاف مقدمہ درج کرلیا گیا ہے تاہم ابھی کوئی سزا نہیں سنائی گئی

خاتون کو ہراساں کرنے والوں کی گرفتاریاں شروع