پاکتسان ڈرامہ انڈسٹری کی معروف اداکارہ و ماڈل منال خان کی برائیڈل فوٹو شوٹ کی ویڈیو کے سوشل میڈیا پرچرچے-

باغی ٹی وی :سوشل میڈیا ویب سائٹ انسٹاگرام پر منال خان کی ایک برائیڈل فوٹو شوٹ کی ویڈیو وائرل ہو رہی ہے جس میں وہ عروسی لباس میں ملبوس ہیں اور سیڑھیوں سے نیچے اُترتی ہوئی نظر آرہی ہیں۔

انسٹاگرام پر وائرل ہونے والی ویڈیو راحت فتح علی خان کے مشہور گانے ’آفریں آفریں‘ کے چند بول پر بنائی گئی ہے جبکہ یہ ویڈیو منال خان کے نئے برائیڈل شوٹ کی ہے جو اُنہوں نے ڈیزائنر ماہا وجاہت خان کے لیے شوٹ کروایا ہے۔
https://www.instagram.com/p/CF7jSQnh7nX/?igshid=1cfwvvu5wvh9k
منال خان کی ویڈیو پر کمنٹ کرتے ہوئے صارفین نے اداکارہ کی لُک کو رائل لُک جبکہ اداکارہ کو سُپر ماڈل اور قرار دیا اور کہا کہ ماشاءاللہ آپ بہت حسین لگ رہی ہیں۔

https://www.instagram.com/p/CF7kfS4HIod/?igshid=vftgxvowtcq4
منال خان کی تصویر کو اُن کے مداحوں کی جانب خوب پسند کیا جا رہا ہے اور اب تک ایک لاکھ 38 ہزار سے زائد صارفین اُن کی یہ پوسٹ لائک کرچکے ہیں-

واضح رہے کہ اس سے قبل حال ہی میں بورجان شوز برانڈ کے لئے کئے گئے ایک فوٹوشوٹ کے سیٹ سے ان کی ایک ویڈیو وائرل ہوگئی تھی جس میں ان کا لیٹنے کا انداز لوگوں کو ایک آنکھ نہیں بھایا اور لوگوں نے ان کو شدید تنقید کا نشانہ بنایا تھا-

ویڈیو میں منال خال اور ماڈل حسین لہری کسی برانڈ کے فوٹوشوٹ کے لیے موجود ہیں اور منال خان سیٹ پر لیٹی ہوئی ہیں۔ لوگ ان کے لیٹنے کے انداز پر کافی تنقید کررہے ہیں۔ ایک صارف نے کہا کہ ہماری پاکستانی انڈسٹری بالی وڈ کی جانب جا رہی ہے کچھ صارفین نے کہا کہ منال خان ان کی پسندیدہ ایکٹریس ہیں لیکن ان کی اس ویڈیو نے انہیں مایوس کیا ہے-

یاد رہے کہ منال خان کا شمار پاکستان شوبز انڈسٹری کی نہ صرف مقبول اداکاراؤں اور ماڈلز میں ہوتا ہے بلکہ وہ سوشل میڈیا پر بھی کافی متحرک رہتی ہیں۔ ان دنوں منال خان کے دو ڈرامے ’جلن‘ اور ’نند‘ لوگوں میں کافی پسند کیے جارہے ہیں اور لوگ ان کی اداکاری کی تعریف بھی کررہے ہیں۔

فوٹوشوٹ کی ویڈیو وائرل ہونے کے بعد منال خان پرسوشل میڈیا صارفین کی شدید تنقید