منال خان اور احسن محسن اکرام کی مرر سیلفی کے چرچے

پاکستان ڈرامہ انڈسٹری کی معروف اداکارہ و ماڈل منال خان کی اپنے قریبی دوست اداکار احسن محسن اکرام کے ہمراہ سوشل میڈیا پرمرر سیلفی خوب وائرل ہو رہی ہے –

باغی ٹی وی : اداکار احسن محسن خان اور اداکارہ منال خان اپنے سوشل میڈیا اکاؤنٹ انسٹا گرام پر آ ئے دن اپنی نئی تصاویر اور ویڈیوز شیئر کرتے رہتے ہیں جس پر صارفین کی جانب سے ملا جلا رد عمل سامنے آتا ہے کچھ لوگو اگر دونوں کی تصاویر سیلفی اور ویڈیوز پر تنقید کرتے ہیں تو وہیں کچھ لوگ ان کی تعریف کرتے ہوئے نیک تمناؤں کا اظہار بھی کرتے ہیں-

تاہم اب بھی احسن محسن خان کی جانب سے گزشتہ روز منال خان کے ساتھ ایک سیلفی شیئر کی گئی ہے جس میں احسن محسن اور منال خان ایک لفٹ میں موجود چھت کی جانب دیکھتے ہوئے مرر سیلفی لے رہے ہیں۔

احسن محسن اور منال خان کی یہ سیلفی قدرے اچھوتی ہے جبکہ اس سیلفی پر دونوں کی جانب سے ایک دوسرے کے لیے محبت کا اظہار بھی کیا گیا ہے۔

احسن محسن اکرام نے سیلفی شئیر کرتے ہوئے کیپشن میں منال خان کے لیے لکھا ہے کہ ’منال خان نے آج تک اُن کے لیے جو کچھ بھی کیا ہے وہ اس پر تہہ دل سے شکریہ ادا کرتے ہیں، وہ ہمیشہ بتانا بھول جاتے ہیں کہ وہ منال خان کے بارے میں کیا محسوس کرتے ہیں، وہ منال کے ساتھ بہت خوش ہیں کہ منال خان اُن کی زندگی میں موجود ہیں۔

دوسری جانب منال خان کی جانب سے بھی احسن محسن اکرام کے اس کیپشن کا جواب دیتے ہوئے کمنٹ باکس میں لکھا ہے کہ ’وہ احسن محسن کے ساتھ یادیں جمع کر رہی ہیں اور انہیں یہ سب ایک گانے کی یاد دلاتی ہیں، وہ دونوں یہ یادیں اپنے لیے اکٹھی کر رہے ہیں۔

واضح رہے کہ پاکستان شوبز انڈسٹری میں منال خان اور احسن محسن اکرام نئی جوڑی بن کر سامنے آئے ہیں جبکہ دونوں کی قربتوں سے متعلق چرچے آئے دن انٹر نیٹ پر ہوتے ہی رہتے ہیں۔