میرپورخاص: کم عمر لڑکی کی زبردستی شادی ناکام، والد اور دولہا گرفتار

میرپورخاص (باغی ٹی وی، نامہ نگار سید شاہزیب شاہ)میرپورخاص پولیس نے بروقت کارروائی کرتے ہوئے کم عمر لڑکی کی زبردستی شادی کی کوشش ناکام بنا دی۔ واقعہ تھانہ دلبر خان مہر کی حدود میں گاؤں جان محمد جونیجو میں پیش آیا، جہاں 15/16 سالہ لڑکی (پ) سامی کی زبردستی شادی کروائی جا رہی تھی۔

پولیس نے چھاپہ مار کر دلہن کے والد رانجھو سامی اور 40/45 سالہ دولہا عبدالمجید سامی کو موقع پر ہی گرفتار کر لیا۔ گرفتار ملزمان اور حفاظتی تحویل میں لی گئی لڑکی کو تھانہ دلبر خان مہر منتقل کیا گیا ہے۔

پولیس نے دولہا اور لڑکی کے والد کے خلاف سندھ چائلڈ میرج ریسٹرنٹ ایکٹ کے تحت مقدمہ درج کر لیا ہے۔ مزید قانونی کارروائی کے لیے لڑکی اور ملزمان کو مقامی عدالت میں پیش کیا جائے گا۔ پولیس حکام کے مطابق، اس کارروائی کا مقصد کم عمری کی شادیوں کی روک تھام اور قانون کی عملداری کو یقینی بنانا ہے۔