مصباح نے چیف سلیکٹر کے عہدے سے دستبرداری اختیار کرلی

مصباح نے چیف سلیکٹر کے عہدے سے دستبرداری اختیار کرلی

باغی ٹی وی : قومی کرکٹ ٹیم کے ہیڈ کوچ مصباح الحق نے چیف سلیکٹر کے اضافی عہدے سے دستبردار ہونے کا فیصلہ کر لیا، وہ کچھ دیر بعد اس کا باقاعدہ اعلان کریں گے۔

ذرائع کے مطابق مصباح الحق نے گزشتہ برس چیف سلیکٹر کا عہدہ سنبھالا تھا اور اس اثنا ہیڈ کوچ کے فرائض بھی سرانجام دیتے رہے ہیں، ایک ہی وقت میں 2 عہدے رکھنے پر انہیں کرکٹ کے مختلف حلقوں اور شائقین کی جانب سے تنقید کا نشانہ بنایا جاتا رہا۔ انگلینڈ ٹور میں پاکستانی ٹیم کی خراب کارکردگی پر مصباح کی پرفارمنس پر بھی سوال اٹھنے لگے تھے۔

مصباح الرحمن آج چیف سلیکٹر کے عہدے سے دستبرداری کا اعلان کرنے کے ساتھ ساتھ اس فیصلے کی وجوہات بھی بیان کریں گے تاہم ذرائع کا کہنا ہےکہ وہ ہیڈ کوچ کے عہدے پر بدستور کام کرتے رہیں گے