کراچی :فضائی میزبانوں کے لاپتہ ہونے کا معاملہ،غائب ہونے والوں کوحاضر کرنے کی تیاریاں،سخت فیصلے متوقع اطلاعات کے مطابق کل صبح سے ہی ایسی خبریں آرہی تھیں جن میں پی آئی اے کے غائب ہونے والے پائلٹس اور دیگرعملے کے خلاف سخت ایکشن لیا جارہاہے ، اس حوالے سے معلوم ہوا ہےکہ پی آئی اے نے بڑے اہم فیصلے کرلیے ہیں ،
ادھر اس سے پہلے پی آئی اے نے فضائی میزبانوں کے لاپتہ ہونے کے معاملے پر کینیڈا جانیوالے عملے کے سفری دستاویزجمع کرنا شروع کر دیے، ڈھائی سال میں 5 فضائی میزبان ٹورنٹومیں جا کرغائب ہوگئے۔
تفصیلات کے مطابق کینیڈا میں پی آئی اے کی فضائی میزبانوں کے لاپتہ ہونے کے معاملے پر ایئرلائن انتظامیہ نے کینیڈا جانیوالے عملے کے سفری دستاویز بطور ضمانت ادارے میں جمع کرنا شروع کردیے۔
ذرائع کا کہنا ہے کہ بطور ضمانت سفری دستاویزات ادارے میں جمع کیےجارہےہیں، ڈھائی سال میں پی آئی اے کے5فضائی میزبان ٹورنٹومیں جا کرغائب ہوگئے ہیں۔
ذرائع نے بتایا کہ پولیس رپورٹ آنے کے بعد 4 فضائی میزبانوں کوملازمت سےبرطرف کردیا گیا تھا ، برطرف کئے جانے والوں میں تین 3 فضائی میزبان شامل ہیں۔
دو روز قبل پی آئی اے کا فضائی میزبان وقار احمد جدون کینیڈا کے شہر ٹورنٹو پہنچنے کے بعد لاپتا ہوگیا تھا،پی آئی اے نے وقار جدون کیخلاف تحقیقات شروع کردی ہے۔
ترجمان پی آئی اے کا کہنا ہے کہ پی آئی اے نے4فضائی میزبانوں کوملازمت سےبرطرف کیا ، فضائی میزبانوں کیخلاف وفاقی تحقیقاتی اداروں سے بھی تحقیقات کرائی جائے گی جبکہ کینیڈین حکومت سے بھی ان کیخلاف کارروائی کی درخواست کرٰیں گے۔
