میانمار کے مذہبی مقام پر غیر اخلاقی ویڈیو بنانے پر عوام سراپا احتجاج

جنوبی مشرقی ملک میانمار کے مذہبی اور تاریخی مقام پر اٹلی کے جوڑے کی جانب سے غیر اخلاقی ویڈیو بنا کر اسے ویب سائٹ پر اپ لوڈ کرنے پر میانمار کے عوام نے شدید غم و غصے کا اظہار کیا

غیر ملکی خبر رساں ادارے کے مطابق اٹلی کے 23 سالہ جوڑے نے میانمار کے تاریخی شہر باگان کے پگوڈا کے مقام پر فحش ویڈیو ریکارڈ کرکے اسے ویب سائٹ پر اپ لوڈ کیا تھا جو تقریبا 12 منٹ دورانیے کی ویڈیو تھی

اس ویڈیو کو ویب سائٹ پر اپ لوڈ کرنے پر میانمار کے عوام نے غم و غصے کا اظہار کیا اٹلی کے جوڑے نے 9ویں سے 13 ویں صدی کے درمیان تعمیر کیے گئے بدھ مت کے مندروں کے قریب ویڈیو بنائی اور ویڈیو میں مندر بھی دکھائی دے رہے تھے اور ویب سائٹ پو اپ لوڈ کر دیا

ویڈیو کو اپ لوڈ کرنے کے بعد 13 فروری تک اسے ڈھائی لاکھ سے زائد مرتبہ دیکھا جا چکا تھا جب کہ ڈھائی ہزار افراد نے مذکورہ ویڈیو کو ناپسند اور 5 ہزار سے زائد افراد نے اسے پسند بھی کیا تھا

ویڈیو کو دیکھنے والے میانمار کے عوام نے سوشل میڈیا پر اپنا احتجاج ریکارڈ کرواتے ہوئے اٹلی کے جوڑے کے فحش عمل کی مذمت کرتے ہوئےکہا کہ یورپی جوڑے نے ان کے مذہبی مقام کی توہین کی ہے جبکہ میانمار کے عوام نے مذکورہ مقام پر سیکیورٹی کے ناقص انتظامات پر بھی احتجاج کیا اور حکام سے مطالبہ کیا کہ پگوڈا کے مندروں کے گرد سیکیوٹی بڑھائی جائے

معروف اداکارہ سنگیتا کی پاکستانی اداکاراؤں کے ملبوسات پر شدید تنقید

ویب سائٹ انتظامیہ کے مطابق 11 ماہ قبل ہی اٹلی کے جوڑے نے ویب سائٹ پر اکاؤنٹ بنایا تھا اور انتہائی کم عرصے میں ان کے 80 ہزار سے زائد سبسکرائبر بن چکے ہیں

واضح رہے کہ اٹلی کے جوڑے نے جس مقام پگوڈا پر فحش ویڈیو بنائی وہاں درجنوں بدھ مت کے مندر موجود ہیں جن سے متعلق کہا جاتا ہے کہ وہ 9ویں سے 13 ویں صدی کے درمیان تعمیر کیے گئے تھے

بدھ مت مذہب کے یہ خصوصی مندر میانمار کے شہر باگان میں موجود ہیں جسے گزشتہ برس اقوام متحدہ کے ذیلی ادارے یونائٹڈ نیشنز ایجوکیشنل، سائنٹفک اینڈ کلچرل آرگنائیزیشن‘ (یونیسکو) نے عالمی تاریخی ورثہ بھی قرار دیا تھا جبکہ میانمار کا پورا شہر باگان تاریخی ورثے کی فہرست میں شامل ہے