مودی سرکار کی آبی جارحیت کیخلاف کسان متحد ہیں،آئندہ کے لائحہ عمل کا اعلان ہوگا، ذوالفقار علی اولکھ
مرکزی کسان لیگ کے زیر اہتمام سندھ طاس معاہدہ توڑنے اور بھارتی جارحیت کیخلاف آج اتوار کو مال روڈ لاہور پر کسان مارچ کا انعقاد کیا جائے گا، تیاریاں و انتظامات مکمل کر لئے گئے،کسان مارچ میں ہزاروں کسان شریک ہو کر مودی سرکار کو پیغام دیں گے کہ دفاع پاکستان اور پانی کو بچانے کے لئے پاکستا ن کا ہر کسان افواج پاکستان کے شانہ بشانہ کھڑا ہے
مرکزی کسان لیگ کے صدر چوہدری ذوالفقار علی اولکھ کا کہنا ہے کہ پہلگام ڈرامے کے بعد مودی سرکار نے سندھ طاس معاہدہ توڑنے کا اعلان کیا،بھارت انسانیت دشمنی پر اتر آیا ہے، اگر پاکستان کا پانی روکا گیا تو پاکستان کی زمینیں بنجر ہو جائیں گی ، پانی زندگی ہے، مودی نے غلطی سے بھی پاکستان کا پانی روکا تو پاکستان کے کسان بھر پور ردعمل دیں گے ،بھارتی مذموم سازشوں کیخلاف کسان متحد و بیدار ہیں،پاکستانی زمینوں کو بنجر کرنے کی مودی سرکار کی خواہش پوری نہیں ہو گی،کسان مارچ میں ہزاروں کسان مودی سرکار کی آبی جارحیت کیخلاف آئندہ کے لائحہ عمل کا اعلان کریں گے،ضرورت پڑی تو کسان واہگہ بارڈ کی طرف بھی مارچ کر سکتے ہیں،مودی سن لے،پاکستانی کسان اپنے پانی کے تحفظ کے لیے آخری سانس تک لڑیں گے.
