ماڈل ٹاؤن کیس: ہمارے کیخلاف کچھ ثابت نہیں ہوا. رانا ثناء اللہ

وفاقی وزیرداخلہ رانا ثنا اللہ کا کہنا ہے کہ ماڈل ٹاؤن کیس میں ان کے اوراس وقت کے وزیراعلیٰ پنجاب شہباز شریف کے خلاف کچھ ثابت نہیں ہوا۔

وزیرداخلہ رانا ثنا اللہ نے ٹوئٹر پربیان میں کہا کہ ماڈل ٹاؤن کیس کا فیصلہ پہلے ہی سنایا جا چکا ہے۔ اس وقت کے وزیراعلیٰ پنجاب شہبازشریف اورمیرے خلاف ٹرائل کورٹ سے سپریم کورٹ تک کچھ ثابت نہیں ہوا۔

The verdict has already been announced in the Model Town case. Nothing was proved against the then CM Shehbaz Sharif or me from the trial court to the Supreme Court. Whereas, the plaintiff is not interested in pursuing the case against the police personnel in the trial court.

— Rana SanaUllah Khan (@RanaSanaullahPK) July 29, 2022

انہوں نے مزید کہا کہ ماڈل ٹاؤن کیس کی ٹرائل کورٹ میں سماعت میں ٹرائل کورٹ میں مدعی پولیس افسروں کے خلاف کیس چلانے پر تیار نہ ہوا۔

17جون 2014ء وہ اندوہناک دن تھا، جب سانحہ ماڈل ٹاؤن پیش آیا۔ اس المناک سانحے کو رونما ہوئے آٹھ برس بیت چکےہیں ۔ اس واقعے میں الزام عائد کیا جاتا ہے کہ اس وقت کی حکومت وقت ہدایت پر ادارہ منہاج القرآن پر حملہ کیا گیا اور نہتے کارکنان پر بلااشتعال گولیاں برسائی گئیں، خواتین، بزرگوں، بچوں پر بدترین تشدد کیا گیا اور 14 بے گناہ شہریوں کو دن دہاڑے میڈیا کے کیمرے کی آنکھ کے سامنے قتل کر دیاگیا.

پولیس کی فائرنگ سے تقریباً 80لوگ شدید زخمی ہوئے تھے۔