بھارت میں اپوزیشن جماعت کانگریس کی جنرل سکریٹری پریانیکا گاندھی نے کہا ہے کہ بی جے پی حکومت ملک میں اقتصادی بحران چھپانے کی کوشش کر رہی ہے،
باغی ٹی وی کی رپورٹ کے مطابق پریانیکا گاندھی نے کہاکہ حکومت کو اصل حقائق پر پردہ ڈالنے کی بجائے حکومت کو اس سے نمٹنے کی کوشش کرنی چاہیے، اگر سو مرتبہ بھی کوئی جھوٹ بولا جائے تو وہ سچ نہیں ہو جاتا جھوٹ ہی رہتا ہے، بی جے پی حکومت کو اعتراف کر لینا چاہیے کہ انڈیا کی معیشت تاریخی بحران سے گزر رہی ہے،
پریانیکا گاندھی نے کہاکہ مودی حکومت کو معاشی بحران حل کرنے کیلئے اقدامات کرنے چاہئیں، انہوں نے کہاکہ حکومت معاشی بحران کی خبروں کو میڈیا مینجمنٹ کے ذریعہ چھپانے کی کوشش کر رہی ہے، واضح رہے کہ دودن پہلے بھارت کے سابق وزیراعظم من موہن سنگھ نے بھی اقتصادی بحران کے سلسلے میں بی جے پی حکومت پر سخت طنز کرتے ہوئے کہا تھا کہ انہیں مل بیٹھ کر معاشی مسائل کا حل نکالنا چاہیے،
