مودی الیکشن میں‌ فتح کے بعد سب سے پہلے کہاں‌ پہنچے اور ان کی آمد پر کیا ہوا؟

بھارت میں‌لوک سبھا الیکشن 2019 میں‌واضح اکثریت سے جیتنے کے بعد نریندر مودی بی جے پی کے مرکزی دفتر پہنچ گئے جہاں بی جے پی اہلکاروں نے زبردست گلپاشی کی.

باغی ٹی وی کی رپورٹ کے مطابق مودی کے دفتر پہنچنے کے موقع پربی جے پی کے صدرامت شاہ نے وزیراعظم مودی کو جیت کا عظیم ہیرو قراردیا۔ اس موقع پر کارکنان کی جانب سے نعرے بازی بھی کی گئی.

امت شاہ نے تاریخی جیت حاصل کرتے ہوئے پارٹی کارکنان کا شکریہ ادا کرتے ہوئے کہا ملک کے 17 صوبوں کے اندر50 فیصد سے زیادہ ووٹ بی جے پی کوملے ہیں ۔ انہوں نے مختلف صوبوں کا ذکرکرتے ہوئے کہا کہ پچاس فیصد سے زیادہ ووٹ حاصل ہونا یہ ایک تاریخی ہے۔

امت شاہ نے کہا کہ کانگریس پارٹی کو زبردست شکست کا منہ دیکھنا پڑا ہے۔ 17 ریاستیں ایسی ہیں جہاں کانگریس کو بڑا صفرملا ہے۔

انہوں نے کانگریس پرسخت تنقید کی اور کہاکہ اترپردیش میں سماجوادی پارٹی اوربہوجن سماج پارٹی کے اتحاد کو بی جے پی نے شکست دے کریہ ثابت کردیاہے کہ خاندانوں‌ اورذات پات پرمبنی پارٹیوں کو ہندوستانی عوام نے جواب دیا ہے۔