نئی دہلی: بھارتی اپوزیشن لیڈر راہول گاندھی نے کہا ہے کہ مودی سرکار کے دباؤ پر ٹویٹر نے میرے فالورز کی تعداد گھٹا دی ہے-
باغی ٹی وی : بھارتی میڈیا کے مطابق کانگریس رہنما راہول گاندھی نے ٹویٹر انتظامیہ کو شکایتی خط لکھا ہے جس میں امتیازی سلوک کا شکوہ کرتے ہوئے کہا ہے کہ گزشتہ برس سے مسلسل کم ہوتے ہوتے نئے فالورز کی تعداد اب صفر ہوگئی ہے۔
واٹس ایپ نے گروپس ایڈمنز کے لئے نیا فیچرمتعارف کرانے کا فیصلہ
بھارتی اپوزیشن نے شکایتی خط میں لکھا کہ گزشتہ برس اگست سے میرے نئے فالوورز کی تعداد میں اضافہ اچانک بند ہوگیا بعد ازاں کچھ اضافہ ہونے لگا لیکن اس کے بعد پھر سے ہر ماہ فالوروز کی تعداد کم ہوتے ہوتے اب تقریباً صفر رہ گئی۔
مودی حکومت نے پاکستان کے 35 یوٹیوب چینلز اور ویب سائٹس پر پابندی عائد کردی
اپوزیشن لیڈر رہول گاندھی کے بقول ٹویٹر انڈیا کے چند قابل اعتماد لوگوں نے بتایا کہ مودی حکومت کی طرف سے میری آواز کو خاموش کرنے کے لیے ان پر دباؤ ڈالا جا رہا ہے انہوں نے کہا کہ پہلے ان کا خیال تھا کہ ٹویٹر پر آزاد اور منصفانہ ٹویٹس کو روکنے میں نادانستہ پیچیدگی کا شکار ہے لیکن معاملہ برعکس نکلا۔
بھارتی اپوزیشن لیڈر نے یہ بھی کہا کہ سوشل میڈیا پلیٹ فارم ٹویٹر کی یہ ذمہ داری بنتی ہے کہ بھارت میں آمریت کے فروغ میں حکومت کی مدد نہ کرے۔
کمپیوٹرکی تخلیق ورچوئل سوشل میڈیا انفلوئنسرموسیقار بننے کے لئے تیار
خیال رہے کہ گزشتہ برس مودی سرکار نے سوشل میڈیا کے نئے قوانین متعارف کرائے تھے جن میں ملک کی خودمختاری، ریاستی سلامتی اور امن عامہ کو نقصان کے نام پر سوشل میڈیا پلیٹ فارم پر پابندیاں عائد کی تھیں جس پر سوشل میڈیا کمپنیوں نے مودی سرکار کی جانب سے متعارف کرائے گئے نئے قوانین کو عدالت میں چیلنج کرنے کا فیصلہ کیا ہے۔
