ناصر چنیوٹی کی پنجابی فلم ”موجاں ہی موجاں“ کا ٹریلر ریلیز

پاکستانی کامیڈی سٹار ناصر چنیوٹی کی نئی انٹر نیشنل پنجابی فلم ”موجاں ہی موجاں“ کا ٹریلر ریلیز کے ساتھ ہی شائقین کی توجہ کامرکز بن گیا ہے۔ برطانیہ میں فلمائی گئی کامیڈی فلم ”موجاں ہی موجاں“ تین ایسے دوستوں کی کہانی ہے جن میں ایک نابینا، دوسرا بہرہ اور تیسرا بولنے سے محروم ہے جن کی لوسٹوریز میں پیش آنے والے واقعات طنزومزاح سے بھرپور ہیں۔ پنجابی فلموں کے مقبول ترین فنکار گپی گریوال، بنوں ڈھلوں اور کرم جیت انمول نے فلم میں نابینا، بہرے اور گونگے کے کردار ادا کئے ہیں جبکہ پاکستانی فنکار ناصر چنیوٹی نے حسب روایت ایک منفرد کردار میں جلوہ گر ہوکر فلم کی کہانی کو چار چاند لگائے ہیں۔ ”موجاں ہی موجاں“ ڈسٹری بیوشن کلب کے توسط سے20اکتوبر کو ملک بھر کے سینماؤں کی زینت بنے گی۔

ڈسٹری بیوشن کلب کے ایگزیکٹو ڈائریکٹر شیخ عابد رشید نے کہاکہ ”موجاں ہی موجاں“ اسی ٹیم کی پیش کردہ فلم ہے جو اس سے قبل ”کیری آن جٹا سیریز“ پیش کرکے شائقین کو معیاری تفریح پیش کرچکے ہیں۔ انہوں نے کہاکہ کیری آن جٹا سیریز نے عالمی سطح پر بزنس کے ریکارڈ قائم کئے، ”موجاں ہی موجاں“ کے ٹریلر کو بھارتی سپر سٹار سلمان خان نے ریلیز کیا ہے اور ٹریلر کو ملنے والا رسپانس اس حقیقت کا عکاس ہے کہ یہ فلم بھی شائقین کو پیسہ وصول تفریح فراہم کرے گی۔

سلمان خان نے اپنی بہن ارپیتا کو کیا گفٹ دیا جان کر رہ جائیں گے

جگن کاظم بچپن میں کس اداکار سے بہت متاثر تھیں؟ اداکارہ نے بتا دیا

عامر خان نے ہیماچل پردیش کے سیلاب متاثرین کو دیا 25لاکھ روپیہ