ممبئی ڈوب گیا، بارشوں نے ہر طرف تباہی مچادی

ممبئی : بارشوں سے بھارتی شہر ممبئی میں‌بڑے پیمانے پر نقصان کی خبریں آرہی ہیں اور بھارتی میڈیا تو یہاں تک کہہ رہا ہے کہ ممبئی ڈوب گیا ، تفصیلات کے مطابق ممبئی میں طوفانی بارشوں سے سیلابی صورتحال، ٹرین میں سیکڑوں مسافر پھنس گئےبھارت کے ساحلی شہر ممبئی میں طوفانی بارشوں سے سیلابی صورتحال پیدا ہوگئی۔

Maharashtra: People wade through chest-deep water in Ulhasnagar of Thane district. Several parts of the state are flooded due to heavy rainfall. pic.twitter.com/UaaXD4tW96

— ANI (@ANI) July 27, 2019

بھارتی میڈیا کی طرف سے یہ خبریں مسلسل آرہی ہیں کہ ممبئی میں طوفانی بارشوں کے باعث سیلابی صورتحال سے ایک ٹرین مہالکشمی ایکسپریس پانی میں پھنس گئی جس میں تقریباً 700 مسافر سوار تھے۔

بھارتی میڈیا کے مطابق صورت حال اس قدر خراب ہوچکی ہے کہ مسافروں کو ریسکیو کرنے کے لیے ہیلی کاپٹر، کشتیوں اور تیراکوں کی مدد لی گئی .ٹرین میں پھنسے مسافروں نے بتایا کہ جمعہ کی رات طوفانی بارش کے باعث وہ تقریباً 15 گھنٹے بنا کچھ کھائے پیے ٹرین میں پھنسے رہے۔

#WATCH Maharashtra: Mahalaxmi Express held up between Badlapur and Wangani with around 2000 passengers. Railway Protection Force & City police have reached the site where the train is held up. NDRF team to reach the spot soon. pic.twitter.com/0fkTUm6ps9

— ANI (@ANI) July 27, 2019

دوسری طرف بھارتی میڈیا نے ملک کی اجتماعی تصویر کشی کی ہے اور کہا ہے کہ بارشوں سے صورت حال اس قدر خراب ہے کہ جاری بارشوں سے ٹرانسپورٹ کا نظام اور فضائی آپریشن درہم برہم ہوگیا ہے جس کے بعد 10 سے زائد فلائٹس منسوخ اور متعدد کا رخ دوسرے شہروں کی جانب موڑ دیا گیا ہے۔