مومنہ اقبال جن کا ڈرامہ احسان فراموش ان دِنوںبہت پسند کیا جا رہا ہے . اداکارہ نے حال ہی میں ایک ٹی وی شو میں شرکت کی اس میں انہوں نے کہا کہ جب میںاس انڈسٹری میں نئی نئی آئی تو بہت ساری مشکلات کا سامنا کرنا پڑا. میں نے دیکھا کہ نئی لڑکی کو مرکزی کردار دینے کا کوئی سوچتا ہی نہیں اگر کوئی سوچ بھی لے تو سینئرز کا دبائو ہوتا ہے کہ اس لڑکی کو کیوں مرکزی کردار کیا دیا جا رہا ہے. بلکہ سینئرز کی کوشش ہوتی تھی کہ وہ مجھ سے پہلے تیار ہوں اور ان کے سینز مجھ سے پہلے ریکارڈ کر لئے جائیں . یہاں تک کہ وہ تو ساتھ بیٹھنا بھی پسند بھی نہیں کرتے تھے. اس قسم کا رویہ دیکھ کر مجھے بہت تکلیف ہوتی تھی لیکن کام کا شوق تھا اس لئے بہت کچھ برداشت کیا.
انہوں نے کہا کہ ”یہ صورتحال ہر شعبے میں ہے، کسی بھی شعبے میں آپ کو آغاز میں مشکلات کا سامنا کرنا پڑتا ہے” لیکن پھر جلد ہی میں آپ اس شعبے میں جگہ بنالیتے ہیں، میں نے بھی یہی کیا میں مشکلات سے نہیں گھبرائی اور پھر عزت دینا اللہ کے ہاتھ میں ہے، جب عزت اور فینز کا پیار ملاتو میں نے سوچ لیا کہ اب مجھے اور کام کرنا ہے۔میں بہت خوش ہوں کہ میرے پرستار میرے کام کو سراہتے ہیں.یہی میری سب سے بڑی کامیابی ہے.
