مومنہ درید کے خلاف فیروز خان میدان میں آ گئے

ماہرہ خان کی حمایت کرتے ہوئے ایم ڈی پروڈکشنز کی سی ای او مومنہ درید نے فردوس جمال کو تنقید کا نشانہ بناتے ہوئے اعلان کیا کہ مستقبل میں میری کمپنی ان کے ساتھ کوئی کام نہیں کرے گی. اس رد عمل پر پاکستانی اداکار فیروز خان نے مومنہ درید کو چیلنج کر ڈالا.

فیروز خان نے مومنہ درید کے اس سنگ دل فیصلے کے خلاف آواز اٹھاتے ہوئے ٹویٹر اور انسٹاگرام پر مومنہ درید کے بیان کا سکرین شاٹ لگاتے ہوئے کہا کہ میرا سوال ہے کہ اظہار کی آزادی سے یہ حاصل ہوتا ہے کیا؟ کسی کی روزی روٹی بند کر دینا؟ اور اگر ایسا ہی ہے تو پھر میں چاہتا ہوں کہ یہ سب ہر اس شخص کے ساتھ ہو جو کسی دوسرے کو انٹرنیٹ پر برا بھلا کہے. بہت ہو گیا ہر بات کی حد ہوتی ہے! اداکار فیروز نے دوسرے اداکاروں کو اس حوالے سے کہا کہ اٹھ جاؤ اس سے پہلے کہ اگلی باری آپ کی ہو!

فیروز خان نے ہیش ٹیگ کے ساتھ ’’شو می اف یو کین کینسل می ‘‘ لکھ کر مومنہ درید کو چیلنج کر دیا کہ اگر وہ میرے ساتھ بھی یہ کچھ کر سکتی ہیں تو کر کے دکھادیں!

واضح رہے مومنہ درید نے اس مسئلے میں آگ میں گھی ڈالنے والا کام کیا ہے. فلم انڈسٹری میں ایسے مسائل کو بگاڑنے کی بجائے سلجھایا جانا چاہیے. ان کے رد عمل پر فیروز نے بھی ان کو چیلنج کر دیا ہے.