منی ہائسٹ پارٹ 4 بہت جلد نیٹ فلکس پر جاری کیا جائے گا لیکن کیا یہ سلسلہ آخری ہوگا؟
باغی ٹی وی : نیٹ فلکس پر ریلیز ہونے والی ہسپانوی کرائم سیریز منی ہائسٹ پوری دنیا سمیت پاکستان میں بھی بے حد مقبول ہوئی جرائم پر مبنی اس شو کے اب تک 3 سیزنز رہلیز ہوچکے ہیں اور مداح اس کے اگلے سیزن کا بےصبری سے انتظار کررہے ہیں
منی ہائسٹ پارٹ 4 بہت جلد نیٹ فلکس پر جاری کیا جائے گا لیکن کیا یہ سلسلہ آخری ہوگا؟ گذشتہ سال جولائی میں سیزن تھری جاری ہونے کے بعد سے شائقین لا کاسا ڈی پاپل کی واپسی کا بے تابی سے انتظار کر رہے ہیں اب یہ سلسلہ آخر کار 3 اپریل کو شروع ہون والا ہے کچھ ناظرین تشویش میں مبتلا ہیں کہ یہ ہسپانوی ہٹ کا یہ سیزن حتمی ہوسکتا ہے منی ہا ئسٹ کی نئی سیریز 3 اپریل کو شروع ہو نے جا رہی ہے جس میں سیزن تھری کی اسٹوری لائن کا اختتام دکھایا جائے گا
ناظرین کو یاد ہوگا کہ کس طرح تیسرے سیزن میں گینگ نے ریو کو بچانے کے لئے بینک آف سپین میں ایک حتمی ڈکیتی کرنے کا سوچا تاہم چیزیں پلان کے مطابق نہیں ہوسکیں کیوں کہ انہوں نے جلد ہی خود کو کسی خطرے سے دوچار کرد یا جس میں فرار ہونے کا کوئی راستہ نہیں تھا
یہیں سے چوتھی سیریز بنائی گئی اب دیکھنا یہ ہے کہ کیا مداحوں کے پسندیدہ کرداروں کے لئے پیدا کردہ مصیبتوں سے نکلنے کی کوئی امید ہو گی یا نہیں
واضح رہے کہ منی ہائسٹ سیزن تین نے متعدد نئے کردار متعارف کروائے تھے جن میں برلن کی سابقہ گرل فرینڈ تاتیانا بھی شامل ہے جس سے اس نے ڈکیتی کی کاموں میں ملوث ہونے کا اعتراف کیا
خیال رہے کہ منی ہائسٹ سیریز کی اس سیزن کی پہلی قسط 2017 میں سامنے آئی تھی یہ کہانی ایک ایسے شخص پر مبنی ہے جسے پروفیسر کہا جاتا ہے اور یہ تاریخ کی سب سے بڑی ڈکیتی کی منصوبہ بندی کرتا ہے
