لاہور کے علاقے ڈیفنس میں صوبائی وزیر اسد کھوکھر کے بیٹے کی دعوتِ ولیمہ میں ان کے بھائی مبشر کھوکھر کو فائرنگ سے قتل کرنے والے گرفتار ملزم ناظم نے قتل کی وجہ بتا دی ہے-
باغی ٹی وی : ملزم ناظم نے دعویٰ کیا ہے کہ اس نے اپنے بھائی اور چچا کے قتل کا بدلہ لینے کے لیے ملک مبشر کو قتل کیا صوبائی وزیر اسد کھوکھر کے بھائی کے قتل کے ملزم ناظم سے پولیس کی ابتدائی تفتیش میں سنسنی خیز انکشافات سامنے آ گئے جن کے مطابق ملزم شادی کی تقریب میں سوا 8 بجے ہی آ گیا تھا، اسے سیکیورٹی نے چیک ہی نہیں کیا تھا۔
اسد کھوکھر کے بھائی کا قتل ،ابتدائی تفتیش کر لی گئی، قتل کی منصوبہ بندی کس نے کی؟ ملزم نے بتا دیا
ملزم ناظم نے پولیس کو بتایا کہ شادی کی تقریب میں، میں مہمانوں کے ساتھ ہی جا کر بیٹھ گیا تھا، اسد کھوکھر اور ان کے بھائی مبشر دو بار میرے سامنے سے گزرے۔
پولیس کو ملزم نے بتایا کہ وزیرِ اعلیٰ پنجاب سردار عثمان بزدار واپس جانے لگے تو تینوں بھائی ان کے ساتھ تھے، میں وزیرِ اعلیٰ کے پیچھے پیچھے مارکی سے باہر آ گیا۔
بیان میں ملزم نےبتایا کہ کہ وزیرِ اعلیٰ عثمان بزدار گاڑی میں بیٹھے تو میں نے آگے بڑھ کر مبشر پر فائرنگ کر دی، جس پستول سے فائر کیا وہ لائسنس یافتہ تھا جسے 40 ہزار روپے میں خریدا تھا۔
ملزم ناظم نے پولیس کو وجۂ قتل بتاتے ہوئے کہا کہ مبشر میرے بھائی بلے اور چچا کے قتل میں ملوث تھا، منشا کے قتل میں 8 سال جیل کاٹ کر آیا ہوں، قتل کی منصوبہ بندی خود کی۔
نامزد صوبائی وزیراسد کھوکھرکا بھائی قاتلانہ حملےمیں جاں بحق:وزیراعلیٰ نےنوٹس لےلیا
مقتول کا پوسٹ مارٹم کر کے لاش ورثا کے حوالے کر دی گئی ہے پوسٹ مارٹم کے مطابق بائیں آنکھ پر لگنے والی گولی جان لیوا ثابت ہوئی۔پوسٹ مارٹم رپورٹ میں درج ہے کہ مدثر کھوکھر کو بائیں آنکھ پر گولی قریب سے ماری گئی، جو آر پار ہو گئی۔
واضح رہے کہ فائرنگ کا واقعہ گزشتہ شب ملک اسد کھوکھر کے بیٹے کے ولیمے کی تقریب میں وزیرِ اعلیٰ پنجاب سردار عثمان بزدار کی موجودگی میں پیش آیاعینی شاہد کے مطابق وزیرِ اعلیٰ واپسی کیلئے کار میں بیٹھے ہی تھے کہ فائرنگ کا واقعہ پیش آیا، واقعہ وزیرِ اعلیٰ کی کار سے چند گز کے فاصلے پر رونما ہوا گولیاں لگنے سے مدثرکھوکھر اور افضل نامی شخص زخمی ہو گیا، مبشر کھوکھر کو ڈیفنس کے نجی اسپتال منتقل کیا گیا مگر وہ جانبر نہ ہو سکے۔
فائرنگ کے واقعے کے بعد ڈیفنس میں فارم ہاؤس میں منعقد ہونے والی دعوتِ ولیمہ منسوخ کر دی گئی دوسری جانب وزیرِ اعلیٰ پنجاب عثمان بزدار نے انسپکٹر جنرل (آئی جی) پولیس پنجاب سے فائرنگ کے واقعے کی رپورٹ طلب کر لی ہے وزیرِ اعلیٰ پنجاب نے ہدایت کی کہ گرفتار ملزم کو قانون کے مطابق سزا یقینی بنائی جائے۔
