اسلام آباد :خبردار:کراچی، اسلام آباد میں کورونا وائرس کے مزید کیسز کی تصدیق، تعداد 38 ہوگئی،اطلاعات کےمطابق کراچی اور اسلام آباد میں کورونا وائرس کے بالترتیب 4 اور ایک کیسز منظر عام پر آنے کے بعد ملک میں وائرس سے متاثرہ افراد کی مجموعی تعداد 38 ہوگئی۔
ادھر ذرائع کےمطابق محکمہ صحت سندھ کے مطابق کراچی میں کورونا وائرس کے 4 کیسز کی تصدیق ہوگئی۔وزیر صحت سندھ کے میڈیا کوآرڈینیٹر میران یوسف نے بتایا کہ 4 میں سے تین کورونا وائرس کے مریض چند روز قبل ہی سعودی عرب سے ملک پہنچے تھے۔
اس ضمن میں انہوں نے چوتھے مریض کے بارے میں بتایا کہ مذکورہ شخص نے حالیہ چند دنوں میں بیرون ملک سفر نہیں کیا۔نئے کیس سامنے آنے کے بعد سندھ میں کورونا وائرس کے کیسز کی تعداد 21 ہوگئی ہے جن میں سے 2 مریض صحتیاب ہوکر گھر جاچکے ہیں جبکہ 15 زیر علاج ہیں۔
دوسری جانب اسلام آباد میں زیرعلاج کورونا وائرس کی مریضہ کے شوہرمیں بھی وائرس کی موجودگی کی تصدیق ہوگئی۔پمز اسپتال میں زیرعلاج امریکا سے آنے والی خاتون کی حالت بدستور تشویشناک ہے۔
