2020 کا پہلادن3 لاکھ سے زائد بچے پیدا ہونے کی توقع، پاکستان میں کتنے پیدا ہوں گے،دلچسپ رپورٹ

نیویارک:دنیا میں ہردن خوشیوں کے ساتھ طلوع ہوتا اورغروب بھی ہوتا ہے ، ایسے ہی ہردن کئی افراد ، خاندان اوراقوام کے لیے تکلیف دہ بھی بن کرآتا ہے، مگرآج کا دن اس حوالے سے دوسرے دنوں سے مختلف ہے کہ آج کے دن یعنی سال کے پہلے دن ، کتنے بچے دنیا بھرمیں پیدا ہوئے یہ بھی ایک دلچسپ صورتحال ہے،

ذرائع کےمطابق اقوام متحدہ کاکہناہےکہ سال 2020 کےپہلےدن دنیابھرمیں 3 لاکھ سےزائدبچوں کی پیدائش متوقع ہے یونیسیف کی رپورٹ کے مطابق سال 2020 کے پہلے روز دنیا بھر میں 3 لاکھ 92 ہزار سے زائد بچوں کی پیدائش متوقع ہےجن میں 16 ہزار 787 بچوں کی پیدائش صرف پاکستان میں متوقع ہے۔

رپورٹ کےمطابق دنیابھرمیں 3 لاکھ 92 ہزار 78 بچوں کی متوقع پیدائش میں سےسب سےزیادہ بچےبھارت میں پیدا ہونے کی توقع ہے جن کی تعداد 67 ہزار 385 ہے۔جس کے بعد دوسرے نمبر پرسب سےزیادہ آبادی والے ملک چین ہے،جس میں 46 ہزار 299، نائیجیریا میں 29 ہزار 39 بچے پیداہونے کی امید کی جارہی ہے،

رپورٹ کے مطابق سال 2018 میں 2.5 ملین پیدائشی بچے اپنی پیدائش کے پہلے مہینے میں ہی انتقال کرگئے جن میں قبل از وقت پیدائش، دوران زچگی اور انفیکشن موت کی بڑی وجوہات تھیں۔

رپورٹ کےمطابق تربیت یافتہ نرسیں اوردائیاں صحت کےبنیادی اصولوں کےباوجودٹھیک سےخیال نہیں رکھتی جس کی وجہ سے زچہ وبچہ کوکافی نقصان اٹھاناپڑتاہے ۔ہم چاہتےہیں کہ نہ صرف ہربچہ پہلےدن سےبھرپورزندگی گزاریں اورکئی دہائیوں تک زندہ رہیں اورپیدا ہوتےہی وہ محفوظ ہاتھوں میں جائے ۔