امریکا: موسم سرما کا بدترین برفانی طوفان،ہلاکتوں کی تعداد 22 ہو گئی، 2800 پروازیں منسوخ

امریکا کو کئی دہائیوں بعد موسم سرما کے بدترین طوفان کا سامنا ہے جس سے امریکا کے بڑے حصے میں نظامِ زندگی بۃری طرح درہم برہم ہو گیا ہے-

باغی ٹی وی : امریکی میڈیا کے مطابق امریکا میں برف باری کے باعث مختلف حادثات میں اموات کی تعداد 22 ہوگئی ہے جبکہ ملک بھر میں تقریباً ساڑھے 5 لاکھ افراد کو بجلی کی فراہمی معطل ہے۔

امریکی کانگریس نے 1.7 کھرب ڈالرز کے اخراجاتی بل کی منظوری دے دی

نارتھ کیرولائنا اور دیگر ریاستوں کےکچھ شہروں میں بجلی کی طلب بڑھنے پر بلیک آؤٹ ہو چکا ہے، اس کے علاوہ امریکا کی مختلف ریاستوں میں 2800 پروازیں منسوخ اور 6600 سے زائد تاخیر کا شکار ہیں اٹلانٹا، شکاگو، ڈینور اور نیویارک کے ائیرپورٹس پر ہزاروں مسافر پھنسے ہوئے ہیں۔

نیویارک برفباری سے سب سے زیادہ متاثر ہے، شہر بفلو میں 2فٹ سے زائد برف پڑ چکی ہے۔ اس کے علاوہ نیویارک کی ایری کاؤنٹی، شہر بفلو میں نیشنل گارڈز تعینات کر دیے گئے ہیں۔

امریکا: کیپیٹل ہل حملے اور ہنگاموں پر پارلیمانی کمیٹی نے تفصیلی رپورٹ جاری کردی

نیشنل ویدر سروس کے مطابق امریکا کے وسطی اور مشرقی حصوں میں سرد موسم کی صورتحال ویک اینڈ تک جاری رہنے کا امکان ہے اور اگلے ہفتے درجہ حرارت معمول پر آنا شروع ہوگا۔

ادھر کینیڈا کے مختلف حصوں میں بھی شدید سرد موسم کی وارننگ جاری کر دی گئی ہے، اونٹاریو اور کیوبیک صوبوں میں لاکھوں افراد بجلی سے محروم ہیں وینکوور، ٹورنٹو اور مونٹریال کےائیرپورٹس پرسینکڑوں پروازیں منسوخ کر دی گئیں اور ٹرین سروس بھی متاثر ہے۔

امریکا میں موسم سرما کا بڑا طوفان، 10 لاکھ سے زیادہ افراد بجلی سے محروم،سینکڑوں…