میرپورماتھیلو،باغی ٹی وی (نامہ نگار مشتاق علی لغاری)پانچ بچوں کی ماں اغواء زبردستی نکاح پرنکاح
تفصیل کے مطابق تعلقہ میرپور ماتھیلو کےعلاقہ جروار کے نواحی گاؤں خدابخش لغاری میں ظفر لغاری نے بچوں کے ساتھ احتجاج کرتے ہوئے کہا کہ میری بیوی شازیہ بزدارجوکہ میرے پانچ بچوں کی ماں ہے کو جبار بزدار نے اغوا ء کر کے زبردستی اس کانکاح پرنکاح کرکے سنگین جرم کیاہے میرے معصوم بچے دن رات روتے ہیں مزید اس نوجوان نے میڈیا سے گفتگو کرتے ہوے کہا کہ مجھ پر اور میرے بچوں پے رحم کیا جائے
اس کاکہنا تھاکہ میں ایک مزدورآدمی ہوں محنت مزدوری کرکے اپنی گذربسرکرتا ہوں لیکن اب اپنے ان پانچ معصوم بچوں جن میں تین بیٹے اوردوبیٹیاں ہیں کس کے آسرے پر چھوڑکرگھرسے باہرجاؤں،پولیس تھانے کے چکرلگالگاکر تھک گیا ہوں،اغواء ہونے والی خاتون کے خاوند نے ایس ایس پی گھوٹکی اور ڈی آئی جی سکھر سے مطالبہ کیا ہے کہ پولیس کے ذریعے کارروائی کرکے اس کی بیوی واپس کرائی جائے
