لاہور:موٹر سائکل چوری کی وارداتوں میں اضافہ،انتظامیہ خاموش تماشائی

لاہور:لاہور میں‌موٹر سائیکل چوری ہونا اب معمول کے واقعات میں سے ایک واقعہ بن کر رہ گیا .تمام تر حفاظی اقدامات اور سی سی ٹی وی کمیروں کے باوجود چور موٹر سائیکل لے جارہے ہیں اور انتظامیہ خاموش تماشائی ہی نظر آتی ہے .تازہ واقعہ میں بادامی باغ سے شہری عدنان کی موٹرسائیکل چوری کی سی سی ٹی وی منظر عام پر آ گئی۔

تفصیلات کے مطابق سٹی فورٹی ٹو کو موصول ہونے والی سی سی ٹی وی میں دیکھا جاسکتا ہے کہ چور پہلے موٹرسائیکل کے قریب آتا اور پھر اطراف کا جائزہ لیتا ہے اور پھر موقع ملتے ہی موٹرسائیکل چرا کر فرار ہو جاتا ہے۔ شلوارقمیص میں ملبوس چورکا چہرہ واضح طور پر دیکھا جاسکتا ہے۔متاثرہ شہری کا کہنا ہے کہ پولیس نے واردات کا مقدمہ درج کرلیا مگر سی سی ٹی وی فوٹیج ہونے کے باجود ملزم کو گرفتارنہ کیا جاسکا۔