ایم پی اے اسلم ابڑو کے بھائی اور بھتیجے کا مقدمہ 7 روز بعد درج
ڈیفنس میں ایم پی اے اسلم ابڑو کے بھائی اور بھتیجے کے قتل کا مقدمہ 7 روز بعد مقتول کے کزن سانول خان کی مدعیت میں درج کرلیا گیا ہے، جس میں 8 افراد کو نامزد کیا گیا ہے جبکہ گزشتہ ماہ 26 جولائی کو کراچی کے علاقے ڈیفنس میں رکنِ سندھ اسمبلی اسلم ابڑو کے بھائی ایڈووکیٹ اکرم ابڑو اور بھتیجے شہریار ابڑو کو فائرنگ کرکے قتل کردیا گیا تھا تاہم اب اس قتل کا مقدمہ درج ہوگیا ہے.
مقدمہ مقتول اکرم ابڑو کے کزن سانول خان کی مدعیت میں زبیر شہوانی، گارڈ ثناءاللہ اور مجیب سمیت 8 ملزمان کیخلاف درج کروایا گیا ہے جس میں قتل، اقدام قتل سمیت دیگر دفعات شامل کی گئی ہیں۔ مقدمے میں مدعی نے یہ بیان دیا ہے کہ مقتول اکرم ابڑو اور شہریار ابڑو کو پرانی دشمنی پر دھمکیاں مل رہی تھیں، تاہم واقعے کے روز ہم لوگ جیکب آباد جانے کے لیے نکلے تھے کہ راستے میں ہماری گاڑی پر موٹرسائیکل سوار 8 لوگوں نے فائرنگ شروع کر دی تھی۔
مزید یہ بھی پڑھیں؛
حکومت کی مدت کے آخری دن، قومی اسمبلی میں مزید قوانین منظور
اعجاز چوہدری کو جیل میں بی کلاس کی فراہمی کی درخواست پر سماعت ملتوی
میڈیا ملازمین کی کم سے کم تنخواہ حکومت کی مقررکردہ ہوگی،مریم اورنگزیب
عمر فاروق ظہور نامی شخص سے کبھی ملا اور نہ ہی فون پر بات کی،شہزاد اکبر
جبکہ واضح رہے کہ 26 جولائی کو ڈیفنس فیز سیون میں عائشہ مسجد کے قریب موٹر سائیکل سوار ملزمان کی فائرنگ سے ایم پی اے اسلم ابڑو کا بھائی اور بھتیجا جاں بحق اوردو افراد شدید زخمی ہوگئے تھے۔ حکام کا کہنا ہے کہ تربیت یافتہ ملزمان نے مہارت سے گاڑی کو گھیر کر حملہ کیا۔
Leave a reply
