پنجاب اسمبلی کے ممبران غائب کرنے کا کیا مطلب ہے؟ جسٹس اعجازالاحسن

سپریم کورٹ میں پرویز الٰہی کی رانا  ثنااللہ کے خلاف درخواست سماعت کے لیے مقرر کی گئی تھی جس پر جسٹس اعجازالاحسن نے کہا پنجاب اسمبلی کے ممبران غائب کرنے کا کیا مطلب ہے؟
وکیل نے جواب دیا کہ: رانا ثنا اللہ نے بیان میں صوبائی اسمبلی کے ممبران کے غائب ہونے کی دھمکی دی ھے.

مسلم لیگ (قٌ) کے رہنما چوہدری پرویز الٰہی نے وزیر دخلہ رانا ثنااللہ کے خلاف سپریم  کورٹ میں توہین عدالت کی درخواست گزشتہ روز دائر کی تھی جس میں انہوں نے حمزہ شہباز، مریم اورنگزیب  کو بھی فریق بنایا ہے۔

پرویز الٰہی کی درخواست میں مؤقف اپنایا گیا ہے کہ رانا ثنااللہ نے سپریم کورٹ کے یکم جولائی کے حکم کی خلاف ورزی کی ہے، رانا ثنااللہ کا دھمکی آمیز بیان توہین عدالت کے زمرے میں آتا ہے۔

سپریم کورٹ نے پرویز  الٰہی کی درخواست کو سماعت کے لیے کچھ گھنٹے پہلے مقرر کیا تھا جس پر جسٹس اعجاز الاحسن کی سربراہی میں 2 رکنی بینچ نے اس کیس سماعت کی اور عدالت نے رانا ثنا اللہ کے بیان کی اخباری خبر اور ٹی وی ٹاک شو کی ٹرانسکرپٹ طلب کرنے کا مطالبہ کیا ہے.