ایم کیو ایم وفد کی وزیراعظم شہباز شریف سے ملاقات

وزیراعظم نے اسمبلیوں کی تحلیل اور نگراں حکومت پر اہم مشاورت کیلئے ایم کیو ایم پاکستان کو بلا لیا

ایم کیو ایم پاکستان کا وفد ڈاکٹر خالد مقبول صدیقی کی قیادت میں وزیراعظم ہاؤس پہنچ گیا ،وزیراعظم نے اہم فیصلوں پر ایم کیو ایم سے مشاورت کیلئے کمیٹی بنا دی ،وزیراعظم شہباز شریف سے ایم کیو ایم کے وفد نے ملاقات کی جس میں سیاسی صورتحال سمیت حالیہ مردم شماری کے حوالے سے تفصیلی مشاورت ہوئی۔

خالد مقبول صدیقی کی قیادت میں وفاقی وزیر انفارمیشن ٹیکنالوجی سید امین الحق، گورنر سندھ کامران ٹیسوری، ڈاکٹر فاروق ستار اور مصطفیٰ کمال پر مشتمل وفد نے وزیراعظم سے ملاقات کی ، وزیر ریلوے خواجہ سعد رفیق اور وفاقی وزیرِ اقتصادی امور ایاز صادق بھی ملاقات میں شریک تھے، اس دوران موجودہ ملکی سیاسی صورتحال سمیت حالیہ مردم شماری کے حوالے سے تفصیلی مشاورت ہوئی۔

ایم کیو ایم وفد نے وزیر اعظم کو کراچی میں وفاقی حکومت کے جاری منصوبوں کی ذاتی نگرانی اور ترجیحی بنیادوں پر کام یقینی بنانے پر خراج تحسین پیش کیا جب کہ وفد نے وزیراعظم کی قیادت میں حکومتی معاشی ٹیم کی کوششوں سے آئی ایم ایف کے ساتھ معاہدہ مکمل ہونے پر بھی وزیر اعظم کو خراج تحسین پیش کیا۔

ترجمان ایم کیو ایم کے مطابق وزیراعظم نے تمام اہم فیصلوں پرایم کیو ایم پاکستان سے مشاورت کی یقین دہانی کرائی اور ایم کیو ایم سے مشاورت کو یقینی بنانے کے لیے کمیٹی بھی تشکیل دی ہے جو نگراں حکومت سمیت تمام معاملات پر ایم کیو ایم سے مشاورت کرے گی ترجمان ایم کیو ایم کے مطابق وزیراعظم نے بتایا کہ انتخابات پرانی مردم شماری پرکرانے کا فیصلہ نہیں ہوا ہے

 یونان کشتی حادثے میں 3 انکوائریاں اور 6 مقدمات درج

کشتی حادثہ،میتوں کو جلد از جلد پاکستان لانے کے فوری انتظامات کئے جائیں ،نواز شریف

کشتی حادثہ پر مریم نواز کا ردعمل

کشتی ڈوبنے کے حادثے پرنسل پرستانہ تبصرہ،یونانی رکن پارلیمنٹ کی پارٹی رکنیت معطل

انسانی اسمگلنگ میں ملوث گینگ کے خلاف کریک ڈاؤن

لیبیا کشتی حادثہ میں ملوث انسانی سمگلر کو گرفتار 

حادثے کے مرکزی ملزم ممتاز آرائیں کو وہاڑی سے گرفتار کیا گیا

انٹر ایجنسی ٹاسک فورس کا ساتوں اجلاس ایف آئی اے ہیڈ کواٹر میں منعقد ہوا

شہری ڈوب چکے، کئی کی لاشیں ملیں تو کئی ابھی تک لاپتہ ہیں،