عارف علوی کا دورہ ڈیرہ غازی خان، سیئر اینکر پرسن مبشر لقمان نے گھوسٹ کیمپ پر چھاپہ مار کر انتظامیہ کو رنگے ہاتھوں پکڑ لیا.
آپ کو یاد ہوگا کہ گزشتہ دنوں صدر پاکستان عارف علوی نے سیلاب زدگان کیلئے صوبہ پنجاب کے ضلع ڈیرہ غازی خان کا دورہ کیا تھا، لیکن اب سینئر اینکرپرسن مبشر لقمان نے اس دو نمبر دورہ اصل حقیقت اپنے پروگرام کھرا سچ میں کھول کر رکھ دی ہے، صدر مملکت ڈاکٹر عارف علوی نے جس ریلیف کیمپ کا دورہ کیا وہ دراصل ایک گھوسٹ کیمپ بنایا گیا تھا کیونکہ صدر مملکت کو سیلاب سے متاثرہ دور دراز علاقوں میں لے جانے کے بجائے ائیرپورٹ کے قریب ایک عارضی ریلیف کیمپ کا دورہ کرایا گیا۔
جبکہ ضلعی انتظامیہ نے اس بات کا اہتمام کیا تھا کہ نجی میڈیا کے نمائندے صدر پاکستان کے دورے کی کوریج نہ کر سکیں کیونکہ پھر وہ اس بارے میں سوال کرسکتے لیکن سینئر اینکر مبشر لقمان نے چھاپہ مار کر انتظامیہ کو رنگے ہاتھوں پکڑ لیا ہے، چھاپہ کے دوران مبشر لقمان نے متعلقہ افراد سے سوال کیا کہ اس کیمپ میں سیلاب متاثرین کہاں ہیں تو انہوں نے جواب دیا کہ اب یہ کیمپ خالی ہوگئے ہیں مبشر لقمان نے پھر کہا کہ جہاں سیلاب آیا ہوا اس کے قریب کیمپ لگانے کے بجائے آپ نے ائیر پورٹ کے قریب کمیپ کیوں لگایا اور یہاں تک سیلاب متاثرین کیسے پہنچیں گے؟ اس بارے انتظامیہ کے پاس کوئی ٹھوس جواب نہ تھا،
سینئر اینکرپرسن نے کہا کہ جہاں متاثرین رہ رہے وہاں لے جاو تو انتظامیہ نے کہا پردہ کا مسئلہ ہے وہاں خواتین ہیں نہیں جاسکتے سکتے تو اینکر پرسن مبشر لقمان نے کہا کہ دور سے ہی دکھا دو جس پر ان کے پاس کوئی جواب نہیں تھا.
مبشر لقمان نے انکشاف کیا کہ جگہ جگہ وزیر اعلی پنجاب پرویز الہی کے پینا فلیکس لگے ہوئے مگر یہاں انتظامیہ کارکردگی صفر ہے. ایک اور جگہ مبشر لقمان نے سیلاب متاثرین کا دورہ کیا جہاں انہوں نے سینئر اینکر کو بتایا کہ جہاں پنجاب حکومت کی کارکردگی صفر ہے اور ہم سیلاب زدگان کا برا حال ہے.
https://twitter.com/mubasherlucman/status/1565360979315154945
مبشر لقمان نے انکشاف کیا کہ: یہ گھوسٹ کیمپ محض اعلی عہداران کے دورہ کے وقت فوٹو سیشن کیلئے استعمال کیا جاتا ہے تاکہ انہیں سیلاب زدہ علاقوں میں جانے کی زہمت نہ کرنی پڑے اور وہ ائیر پورٹ سے سیدھا نزدیکی کیمپ آکر فوٹو سیشن کروا میڈیا پر چلوا دیں کہ ہم نے سیلاب متاثرین کا دورہ کیا حالانکہ حقیقت یہ ہے. اور یہ لوگ صرف اور صرف ان لوگوں کو بے وقوف بناتے ہیں جو گھروں بیٹھ کر ٹی وی اسکرین پر دیکھ رہے ہوتے ہیں.
مبشر لقمان نے ناظرین کو پنجاب حکومت کی دو نمبری دکھاتے ہوئے کہا کہ کتنے افسوس کی بات ہے کہ یہ حکومت مستحقین کا حق مار کر عوام کی نظروں میں دھول جھوک رہی ہے، جبکہ یہ لوگ اللہ کو کیسے جواب دیں گے، مبشر لقمان نے مزید کہا کہ یہ سارا ڈرامہ دیکھ کر مجھے تو سیاست سے نفرت ہونا شروع ہوگئی ہے. ان کا کہنا تھا کہ یہاں پر فلاحی تنظیمیں اور افواج پاکستان صحیح طور پر کام کررہے ہیں ورنہ سیاستدانوں نے تو عوام کا تمسخر اڑایا ہوا ہے.
