بھارتی فلم انڈسٹری کی معروف اداکارہ راکھی ساونت نے اپنے پاکستانی تجربات کے حوالے سے ایک اہم انکشاف کیا ہے۔ ایک پاکستانی میزبان متھیرا کے ساتھ گفتگو کے دوران، راکھی نے کہا کہ پاکستانی مردوں نے انہیں بہت رلایا ہے۔
راکھی ساونت نے بتایا کہ پاکستانی اداکار اور پولیس افسر ڈوڈی خان نے پہلے انہیں شادی کے لیے پروپوز کیا، لیکن پھر اپنی بات سے پیچھے ہٹ گئے۔ اداکارہ کے مطابق، ڈوڈی خان نے انہیں وعدہ کیا تھا کہ وہ انگوٹھی اور پھول لے کر ان کے پاس آئے گا، لیکن اب وہ کہہ رہا ہے کہ وہ اپنے کسی بھائی سے ان کی شادی کروائے گا۔راکھی نے مزید کہا کہ مفتی قوی نے بھی انہیں شادی کی پیشکش کی تھی، تاہم کوئی بھی شخص اپنی بات پر قائم نہیں رہا۔ ان سب واقعات کی وجہ سے وہ بے حد افسردہ اور رنجیدہ ہو گئی ہیں۔
راکھی ساونت نے اس بات کا بھی ذکر کیا کہ جب ڈوڈی خان نے ان سے شادی کی خواہش ظاہر کی تھی، تو انہوں نے پاکستانی ہونے کے ناطے اس پر بھروسہ کیا تھا کیونکہ وہ ان کا دوست بھی تھا، لیکن اس کے بعد وہ اپنی بات سے مکر گیا اور اس کی حرکت نے انہیں بہت مایوس کیا۔
