لاہور: پاکستان فلم انڈسٹری پر 33 برس تک راج کرنے والے لیجنڈری اداکار محمد علی کو مداحوں سے بچھڑے 16برس بیت گئے، مگر ان کی اداکاری کا سحر آج بھی قائم ہے۔
باغی ٹی وی : پاکستان فلم انڈسٹری کے باکمال اور صاحب طرز اداکار محمد علی 19 اپریل 1931ء کو بھارت کے شہر رام پور میں پیدا ہوئے پائلٹ بننے کا شوق تھا مگر گھریلو معاشی حالات شوبز کی دنیا میں لے آئے، بھرپور جاندارآواز نے انہیں ایک بہترین ریڈیو صداکار کی حیثیت سے منوایا اور فلمی دنیا تک پہنچانے میں بھی ان کی آواز نے ہی اہم کردار ادا کیا۔
ایمازون اور ایم جی ایم اسٹوڈیو ملکر تفریح کی دنیا میں تہلکہ مچانے کو تیار
محمد علی نے 1962 میں فلم ’’چراغ جلتا رہا‘‘ سے فلمی کیرئر کا آغاز کیا فلم کا افتتاح مادر ملت محترمہ فاطمہ جناح نے اپنے ہاتھوں سے کیا، مگر اصل شہرت 1963 ءمیں ریلیز ہونے والی فلم ’’شرارت‘‘ سے ملی محمد علی نے اداکارہ زیبا سے شادی کی اور دونوں نے فلم نگری میں عزّت، وقار اور نام و مقام پایا۔
محمد علی اور زیبا کی مشترکہ فلموں کی تعداد 70 ہے جن میں50سے زائد فلموں میں وہ ہیرو، ہیروئن کے طور پر نظر آئے محمد علی نے’’باجی‘‘، ’’دال میں کالا‘‘ اور ’’رواج‘‘ سمیت مجموعی طور پر 268 فلموں میں کام کیا۔
رمضان ٹرانسمیشن کے حوالے سے حکومت نے ہدایات جاری کردیں
زیب علی کے نام سے مشہور یہ فلمی جوڑی برسوں فلمی دنیا پر راج کرتی رہی، اداکار محمد علی سماجی کاموں میں بھی بڑھ چڑھ کر حصہ لیتے تھے۔
اداکار محمد علی نے جاندار اداکاری پر 9 نگار ایوارڈ اپنے نام کیے۔ شاندار پرفارمنس اور بے مثال اداکاری پر حکومت پاکستان کی جانب سے انہیں تمغہ حسن کارکردگی اور تمغہ امتیاز سے بھی نوازا گیا۔
اداکار نے 277 فلموں میں کام کیا، آخری فلم دم مست قلندر تھی جو 1995ء میں سینما گھروں کی زینت بنی محمد علی 19 مارچ 2006ء کو اس دارِ فانی سے کوچ کرگئے مگر وہ اپنے چاہنے والوں کے دلوں میں آج بھی زندہ ہیں۔
