![payal chaudhry stage dancer](https://baaghitv.com/wp-content/uploads/2023/08/payal-chaudhry-stage-dancer-905x613.jpg)
سٹیج کی معروف اداکارہ و ڈانسر پائل چوہدری نے اپنے حالیہ انٹرویو میں کہا ہے کہ میں13 سال سے سٹیج پر کام کر رہی ہوں کبھی فحاشی نہیں پھیلائی ، ہمیشہ صاف ستھرا کام کیا ہے، اس کے باوجود جیلسی میںکچھ لوگوں نے مجھ پر ایف آئی آر کٹوا رکھی ہیں، حال ہی میں جو ڈانس وڈیو وائرل ہوئی ہے وہ میری نہیں ہے وہ فیک وڈیو ہے ، ایسی وڈیوز تو مارکیٹ میں ہر روز کسی نہ کسی کی آتی ہے. میں نے ڈانس بھی ہمیشہ ایسا کیا ہے جس کو دیکھ کر فیملیز سٹیج سے نہ بھاگیں . اب جو کہ تھیٹرز کی بندش ہوئی ہے اس پر میرا موقف یہ ہے کہ جو فحاشی کرتی ہیں یا جو کرواتے ہیں ان کو پکڑا جائے.
ان پر پابندی عائد کی جائے ہمیں کس چیز کی سزا ہے. ایک سوال کے جواب میں انہوں نے کہا کہ ”میں جھوٹی ایف آئی آرز سے کبھی نہیں ڈری ”، میں معیاری کام کررہی ہوں اور کرتی رہوں گی . سٹیج میری پہچان ہے اور رہے گا میں ڈر کر گھر نہیں بیٹھوں گی میرے چاہنے والے اگر مجھے دیکھنا چاہتے ہیں تو میں ان کے لئے کام کروں گی . یاد رہے کہ چند روز قبل پنجاب حکومت نے سخت ایکشن لیتے ہوئے تھیٹرز پر پابندی لگا دی ہے جس پر سٹیج کے فنکار سراپا احتجاج ہیں.