مجھے مسلم لیگ ن کے حوالے سے نہ بلایا جائے میں صرف مسلمان ہوں،کیپٹن ر صفدر

0
385
pmln

وزیراعلیٰ پنجاب مریم نواز کے شوہر ، ن لیگی رہنما کیپٹن ر صفدر نے کہا ہے کہ مجھے مسلم لیگ کے حوالے سے نہ بلایا کریں،مولانا صاحب قدم بڑھائیں اور جہاد کے لیے حکم دیں،میرے اس بیان کے بعد مولانا صاحب مجھے جیل میں کھانا ضرور بھیج دینا،جنرل ر باجوہ پر بیان دینے کی وجہ سے مجھے نااہل کروایا گیا اور سزا دلوائی گئی،

ایک تقریب سے خطاب کرتے ہوئے کیپٹن ر صفدر کا کہنا تھا کہ پاکستان کے پاس غوری ہے سب کچھ ہے، فلسطین کی طرح ہم کشمیر کو آزاد نہیں کروا سکے کیونکہ ہماری قیادت کشمیر آزاد کروانے میں دلچسپی نہیں رکھتی،آج جہاد کا حکم ہو گا، کبھی ہم نے فلسطینیوں کے ساتھ یکجہتی کے لئے کہا کہ ہر سال حج کرتے ہیں اس سال پیسہ فلسطینیوں کو بھجوا دیتے ہیں، اس سال قربانی نہیں کریں گے پیسہ فلسطین کو بھیجتے ہیں، کبھی ایسا ہوا؟ ہمارے گھروں میں ڈھول بج رہے ہیں، میوزک چل رہا ہے،بچوں کی برتھ ڈے ہو رہی، ولیمے ہو رہے، ہم ان فضول رسموں کا پیسہ فلسطین بھیج سکتے ہیں یا نہیں، اگر امت فلسطین کے ساتھ نہیں کھڑی ہو گی تو ہم مسلمان کیسے،سود ہم لے رہے ہیں دے رہے ہیں، سود اللہ سےجنگ ہے،ہم پر اللہ کا عذاب آ گیا ہے،قائد ملت اسلامیہ قدم بڑھائیں، امت آپ کے ساتھ ہے،جہاد کا اعلان کریں، لیاقت بلوچ کو کسی حلقے سے کھڑے کرتے ہیں کہتے ہیں دیندار کو ووٹ دو لیکن ووٹ نہیں ملتا،مولانا فضل الرحمان صاحب تشریف فرما ہیں،لوگ کہتے ہیں کہ مسلم لیگ ن کا داماد ہوں، میں نے کہا مجھے مسلم لیگ ن کے حوالہ سے نہ بلایا کریں، میں صرف مسلمان ہوں،جہاں عقیدہ ختم نبوت کی بات ہو گی میں پہنچوں گاقربانی دوں گا،

Leave a reply