مولانا کے خاندان کا کوئی فرد دھرنے میں شریک نہیں, فواد چوہدری کا جھوٹ بے نقاب

اسلام آباد :وزیر سائنس و ٹیکنالوجی فواد چوہدری نے گزشتہ روز پہلے ایک تقریب میں کہا کہ مولانا فضل الرحمن کے خاندان کا کوئی فرد آزادی مارچ میں شریک نہیں. لیکن باغی ٹی وی کی اطلاعات کے مطابق مولانا فضل الرحمن کے سب سے چھوٹے بھائی عبیدالرحمان اور بیٹے اسجد محمود کارکنان جمعیت علماء اسلام کے ساتھ دھرنے میں شریک ہیں.

مولانا فضل الرحمان کے بھائی عبید الرحمن کے ساتھ موجود جمعیت علماء اسلام ف کے رہنماء پیر عبدالشکور نقشبندی نے کہا کہ فواد چوہدری آزادی مارچ کے شرکاء کی دلجمعی دیکھ کر خوف میں مبتلا ہیں اور جھوٹے پروپیگنڈے پھیلا رہے ہیں. ہم اپنے قائد مولانا فضل الرحمان کے ہر حکم کے پابند ہیں اور مولانا فضل الرحمان کے خاندان کا ہر فرد جمعیت کا کارکن پے اور وہ مولانا کے ساتھ کھڑا ہے .مولانا فضل الرحمن کے بڑے صاحبزادے اسد محمود نے آزادی مارچ سے خطاب بھی کیا اور مولانا کے باقی بیٹے اور بھائی بھی موجود ہیں.