ملک بھر میں موسم کیسا رہے گا؟

محکمہ موسمیات کے مطابق ملک کےبیشتر میدانی علاقوں میں موسم شدید گرم اور خشک رہے گا جبکہ جبکہ شام /رات کے دوران جنوبی پنجاب اور بالائی سندھ میں گرد آلود ہوائیں /آ ندھی چلنے کا امکان ہے-

باغی ٹی وی : محکمہ موسمیات کے مطابق اسلام آباد میں موسم شدید گرم اور خشک رہے گا،جنوبی پنجاب اور سندھ میں گرد آلود ہوائیں اورآ ندھی چلنے کا امکان ہے ،خیبرپختونخوا، گلگت بلتستا ن اور آزادکشمیر میں گرج چمک کے ساتھ بارش متوقع ہے-

قلات، خضدار، بارکھان اور سبی میں گرج چمک کے ساتھ بارش کا امکان ہے،ملتان، ڈی جی خان ، بہاولپور، بہاولنگر، سا ہیوال اور ر حیم یارخان میں بارش کا امکان ہے صوبہ سندھ کے بیشتر علاقوں میں موسم شدید گرم اورخشک رہے گا۔

صوبہ خیبرپختونخوا کے میدا نی اضلاع میں موسم گرم اور خشک رہے گا تاہم شام /رات کے دوران کوہستان ،چترال،دیر ، سوات، بونیر،کالام ،مردان ، ایبٹ آباد اور کرم میں تیز ہوا ؤں اورگرج چمک کے ساتھ بارش ہو سکتی ہے ۔

واپڈا ذرائع کے مطابق تربیلا میں پانی کی آمد 87 ہزار600کیوسک اور اخراج 86 ہزار800 کیوسک ہے ،منگلا میں پانی کی آمد 21ہزار600 کیوسک اور اخراج 21 ہزار600 کیوسک ہے،چشمہ میں پانی کی آمد ایک لاکھ 14 ہزار100کیوسک اور اخراج1 لاکھ 5ہزارکیوسک ہے-

ترجمان واپڈا کے مطابق دریائے چناب میں پانی کی آمد 26 ہزار900 کیوسک اور اخراج 17 ہزار200 کیوسک ہے ،دریائے کابل میں پانی کی آمد 21 ہزار کیوسک اور اخراج 21 ہزار کیوسک ہے،منگلا میں آج پانی کا ذخیرہ 79 ہزارایکڑ فٹ ہے ،چشمہ میں آج پانی کا ذخیرہ 9 ہزار ایکٹرفٹ ہے،تربیلا ، منگلا اور چشمہ ریزوائر میں پانی کا مجموعی ذخیرہ88 ہزار ایکڑ فٹ ہے-