جیل بھرو تحریک ملک میں فساد اور انتشار پیدا کرنے کی سازش ہے،مریم اورنگزیب

وزیر اطلاعات مریم اورنگزیب نے عمران خان کے جیل بھرو تحریک کے اعلان پر ردعمل دیا ہے-

باغی ٹی وی: وزیر اطلاعات مریم اورنگزیب نے کہا کہ عمران خان پہلے وقت، دن اور تاریخ کا اعلان کریں کس کیس میں اور کس عدالت میں گرفتاری دیں گے ،عمران خان پہلے خود گرفتاری دیں پھر کارکنوں کو اپیل کریں ،جیل بھرو تحریک دیہاڑی داروں کو پیسے دے کر امن وامان کی صورتحال خراب کرنے کی کوشش ہے-

تھر میں 5 ہزار میگا واٹ بجلی پیداکرنے کی صلاحیت ہے،مشاہد حسین سید

وفاقی وزیر نے کہا کہ عمران خان جان بوجھ کر حالات خراب کرنا چاہتے ہیں ،جیل بھرو تحریک ملک میں فساد اور انتشار پیدا کرنے کی سازش ہے ،اپنی ضمانتوں کے لئے روتے ہیں، پھر کہتے ہیں جیل بھرو تحریک چلائیں گے،عمران خان بہروپیا ہے بات کچھ اور کام کچھ اور کرتا ہے جیل بھرو تحریک سے پہلے ضمانتیں کینسل کروائیں-

قبل ازیں مسلم لیگ ن کی سینیئر نائب صدر مریم نواز نے چیئر مین پی ٹی آئی عمران خان کی جانب سے جیل بھرو تحریک کے اعلان پر ردعمل دیتے ہوئے کہا تھا کہ ہم انتظار کر رہے ہیں یہ جیل بھریں ،ہم نظریں بچھائے بیٹھے ہیں، آئیں جیل بھریں اور شروعات زمان پارک سے کریں ، انہوں نے فرنٹ لائن پرخواتین کو رکھا ہوا ہے، خود سامنے آئیں۔

جیل بھرو تحریک سے حقیقی آزادی حاصل کریں گے،عمران خان