عمران خان کی بچھائی گئی اقتصادی بارودی سرنگوں کے باوجود ملکی معیشت بدستور رواں دواں ہے،وزیراعظم

اسلام آباد: وزیر اعظم محمد شہباز شریف کا کہنا ہے کہ عمران خان کی بچھائی گئی اقتصادی بارودی سرنگوں کے باوجود پاکستان کی معیشت بدستور رواں دواں ہے، ڈیفالٹ کی تمام پیش گوئیاں غلط الارم ثابت ہوئیں-

باغی ٹی وی : شہباز شریف نے وزیراعظم کا عہدے کا حلف اٹھانےکا ایک سال مکمل ہونےپرجاری بیان میں کہا کہ مجھے مخلوط حکومت کے وزیراعظم کی حیثیت سے حلف اٹھائے آج ایک سال ہو رہا ہے، یہ بڑے چیلنجوں اور مشکلات کا وقت رہا ہے عمران نیازی حکومت کے خلاف عدم اعتمادکی ووٹنگ بے مثال تھی، عدم اعتماد کے ووٹ کی منظوری کے بعد پی ڈی ایم اقتدار میں آئی-

عمران خان کی بغاوت پر اکسانے کا مقدمہ خارج کرنے کی درخواست سماعت کیلئے مقرر

شہبازشریف کاکہنا ہےکہ ایک سال میں ہم نےایک پارٹنرکےطورپر پاکستان کی ساکھ قائم کرنےمیں بڑی حد تک کامیابی حاصل کی، پاکستان کو گزشتہ سال سیلاب کا سامنا کرنا پڑا، حکومت نے بچاؤ ریلیف اور بحالی کی کوششیں کیں سیلاب کے حوالے سے ریلیف کےکاموں کو دنیا نے شاندار تسلیم کیا۔

ان کا کہنا ہےکہ حکومت نے عالمی سطح پر پاکستان کا مقدمہ پیش کرنےکے لیے موسمیاتی ڈپلومیسی کا استعمال کیا، جی 77 کے چیئر کے طور پر حکومت پاکستان نے فنڈکے قیام میں اہم کردار ادا کیا، جنیوا میں 9 ارب امریکی ڈالرکا وعدہ ہماری کامیاب سفارت کاری کا ثبوت ہے-

پاکستان کے دو بڑے ہائیڈرو پاور منصوبوں کے لیے فنڈز جاری

وزیر اعظم نے کہا کہ عمران خان کی بچھائی گئی اقتصادی بارودی سرنگوں کے باوجود پاکستان کی معیشت بدستور رواں دواں ہے، ڈیفالٹ کی تمام پیش گوئیاں غلط الارم ثابت ہوئیں، معیشت کی بحالی کےلیےمخلصانہ کوششیں جاری ہیں،اتحادی حکومت پاکستان کے سفارتی تعلقات کی مرمت اور تعمیر نو کی اسٹیج پر ہے، سفارتی تعلقات اور تعمیر نو کو نیازی حکومت نے شدید دھچکا پہنچایا۔