پارکس اینڈ ہارٹی کلچر ا تھارٹی ملتان نے گل داؤدی کی سالانہ نمائش کا افتتاح کر دیا

پارکس اینڈ ہارٹی کلچر ا تھارٹی ملتان نے گل داؤدی کی سالانہ نمائش کا افتتاح کر دیا،ایڈیشنل چیف سیکرٹری زاہد اختر زمان نے نما ئش کا افتتاح کیا
سیکرٹری ہاؤ سنگ لیاقت علی چٹھہ بھی شریک ہوئے ، چیئر مین پی ایچ ا ے اعجاز حسین جنجوعہ اور ڈی جی آغا محمد علی عباس نے بھی شرکت کی،اس موقع پر ایم پی اے سبین گل اور جاوید انصاری بھی موجو د تھے

ایڈیشنل چیف سیکرٹری زاہد اختر زمان نے کہا کہ کلین اینڈ گرین مہم کے تحت ملتان شہر کو سر سبز بنا یا جار ہاہے۔ گل داؤدی کی نمائش سے شہریوں کو تفریح ملے گی۔ جنوبی پنجاب سیکریٹریٹ کے قیام سے انقلابی تبدیلی آئے گی۔ جنوبی کے پسماندہ علاقوں میں سہولیات کی فراہمی شروع کر دی ہے۔

ڈپٹی کمشنر جاوید اختر محمود نے کہا کہ پی ایچ اے کا موسمی پھولوں کی نمائش کا انعقاد خوش آیند ہے۔ شہر بھر میں بھر پور شجر کاری کر رہے ہیں۔
گرین بیلٹس پر پھولوں کی شجرکاری سے ماحول خو بصورت ہوگا۔ ڈی جی پی ایچ اے اعجاز حسین جنجوعہ نے کہا کہ پھولوں کی تیاری میں بہت محنت کی ہے۔ ملتان میں وزیراعظم کی کلین اینڈ گرین مہم کامیابی سے جاری ہے۔